Matthew 15:28 - Syin Chin Bible

²⁸ Tua hi a Jesus in, “Nang sia upna lian a nei numei khat na hi hi! Na deina bang nang tungah hong tung tu hi,” ci hi. Tua hun lian laitakin a tanu dam thiang hi.

Matthew 15:28 Iomraidhean Croise

Job 13:15

Ka lametna theampo bosua zo ci leang Pathian in hong that hial zong bang phamaw ziam? Ama tungah ka thu sung tu khi hi.

Job 23:10

Tua hi napi Pathian in ka kalsuanna theampo he hi; Ama in kei hong sit le a thiangin hong mu tu hi.

Psalm Late 145:19

Ama a zaktate ii kitaangsapnate ama in sik hi; amate auna za in hun hi.

Kaa late 3:32

Ama in eite heena hong thuaksak thei tu hi, ahihang ama ii eite hong itna sia maan in kho hi.

Matthew 14:31

Thakhatin Jesus in ama zamh in, “Upna no pa awng, banghangin muang la ni ziam?” ci hi.

Matthew 15:27

Tua ahikom tua nu in, “Tua thu in thumaan hi. Topa awng, ahihang uite ngawngawn zongh, a tote sabuai tung pan a taak annengte ne kana ngawl ziam?,” ci in zo hi.

Matthew 8:10

Jesus in hi thu a zaak ciangin, lamdang sa in, a nungzuite munah, “A tatakin ka ci ciang Israel ngam sungah hi bang upna mu ngeingawl khi hi,” ci hi.

Matthew 8:13

Tua zawkciang, Jesus in ngalkap hon ukpa munah, “Va cia ta'n, na upna bangin hong kivawtsak tu hi,” ci hi. Tuaciang ngalkap hon ukpa naseampa tua hun laitak ma in dam hi.

Matthew 9:22

Jesus hong kingeilee kik a, numei sia a mu ciangin, “Na thin kiliansak in, ka tanu awng! Na upna in hong damsak zo hi,” ci hi. Tua hun lianin, numeinu dam thiang hi.

Mark 5:34

“Ka tanu awng, na upna in hong damsak zo hi. Thinnuam in va pai ta'n, na ngim ngana pan dam ta'n,” Jesus in ci hi.

Luke 17:5

Sawltakte in Topa tungah, “Ka upna uh hong khangsak ta'n,” ci uh hi.

Luke 7:50

Ahihang Jesus in, numeinu munah, “Na upna in hong ngum zo hi; thinnuam in va pai ta'n,” ci hi.

Luke 7:9

Jesus in hi thu teng a zaak ciangin, lamdang sa hi; a nung pan a zui mihingte sangah kingeilee in, “Hi bang upna Israel mite sung ngawngawn zongh ah ka mu ngei bua hi!” ci hi.

2 Thessalonica te 1:3

Suapuite awng, note atu in hun theampo ah Pathian ka pok uh kul hi. Tuabang ka ngamtat tu uh sia maan hi, banghang ziam cile na upna uh nasia khan mama a, tuaciang note khat sim ii midangte na itna uh lian vaial hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.