Matthew 15:27 - Syin Chin Bible

²⁷ Tua ahikom tua nu in, “Tua thu in thumaan hi. Topa awng, ahihang uite ngawngawn zongh, a tote sabuai tung pan a taak annengte ne kana ngawl ziam?,” ci in zo hi.

Matthew 15:27 Iomraidhean Croise

Pianciilna 32:10

Na naseampa keima sia nong laksa na cikna le na thumaanna taw ka kilawm bua hi. Bangma dang nei ngawlin, ciangkhut khat bek ma taw Jordan ngun ka kaantan a, tuni in hi pawl niite taw in ka cia kik zo hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Daniel 9:18

Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Matthew 15:26

Jesus in, “Tate ii anneak tu laaksak in uite ih piaksak tu sia kilawm ngawl hi,” ci hi.

Matthew 15:28

Tua hi a Jesus in, “Nang sia upna lian a nei numei khat na hi hi! Na deina bang nang tungah hong tung tu hi,” ci hi. Tua hun lian laitakin a tanu dam thiang hi.

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Matthew 8:8

Ahihang ngalkap hon ukpa in, “Topa awng, ka inn sungah nang nong pai tu sia ka kiphu bua hi. A dam natu thu hong piaksak po lete ka naseampa dam tu hi,” ci hi.

Mark 7:28

“Topa awng, tano teng an neakmongte sabuai nuai pan, ui ngawngawn in ne lai buang hi ngawl ziam!,” ci in nupinu in zo hi.

Luke 16:21

sumhaupa sabuai pan a taakte ne tu in lametna taw tuabangin om hi. Uite ngawngawn in a meimate liasak tu in pai hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

Romete 10:12

Hi thu in a kuama po huam siat hi. Banghang ziam cile Jew te le Gentile te kilaklaw ah lamdanna a om bua hi. Pathian in mihing theampo ii Topa hi a, ama tungah a ngen theampo atu in a kicing takin thupha pia hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.

Romete 3:29

Tua ahibuale Pathian sia Jew te ii Pathian hi bek ziam? Gentile te Pathian zongh hi ngawl ziam? Hi leilam hi.

Romete 3:4

Tuabang hi ngawl het hi. Mihing sim in leilot kale zong Pathian ahile a thumaan kul veve tu hi. Laithiangtho in hi bangin ci hi. “Na pau ciangin thumaan na hi hunlam kilak tu a, thu hong kisit ciangin a thu na zaw kul hi.”

Ephesus te 3:19

Christ hong itna a kicing takin, kihe thei ngeingawl tu ahitazong, ama hong itna he thei in, Pathianzia mama taw na kidim sitset natu in, thu ka ngen hi.

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,