Matthew 15:14 - Syin Chin Bible

¹⁴ “Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 15:14 Iomraidhean Croise

Isaiah 31:3

Egypt te sia pathiante hi ngawlin — leitung mihing bekma hi. Amate ii siphute in a pianzia tumdang hi ngawl hi. Topa in a dian tak ciang, a thahat ngam topsuk tu a, tuasia ii a hu a thazawm ngam sia zong puk tu hi. Tua te ngeal kilalcipsak khawm tu hi.

Isaiah 42:19

Ka naseampa sang khuamu ngawl zaw khat po, kamtai in ka sawlpa sangin nangong zaw khat po a om ziam?

Isaiah 56:10

Ama in, “Ka mite kidop natu thupia tu in, a kingaisun lampuite theampo, a mittaw siat uh hi! Amate in bangma he ngawl uh hi. Amate sia ngual a nak ngawl, inncing uite taw kibang a, lulumin mangman bek uh hi. Amate in mumut ma nuamsa uh hi!

Isaiah 9:16

Hi mihingte lampuite in amate lamkhialsak a, lungmang bikbeksak hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 6:15

Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.

Jeremiah 8:12

Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.

Hosea 4:17

Israel mite sia milimte ii ngau tawk hi. Amate lampi tek tawn lel tahen.

Malachi 2:8

“Ahihang tu in no thiampite in lampi maan panin na pial zo uh hi. Na hilna in mihing tam mama khialsak hi. No taw ka vawt thuciam sia paltan zo nu hi.

Luke 6:39

Tuaciang Jesus in hi thusonteena son hi: “Mittaw khat in mittaw dangkhat lam a pui thei buatu hi; tuabangin lampui le a nii in dum sungah taak khawm tu hi.

John 9:39

Jesus in, “Mittawte khua a mu natu le khuamute mittaw a sua natu in, hi leitung ah thukhen tu in kong pai hi,” ci hi.

1 Timothy 6:5

thumaan thutak nei nawn ngawl a, thinsung maan ngawlte ii kam kinialna te piangsak hi. Amate in biakna sia sumhau thei natu lampi khat in ngaisun uh hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

2 Peter 2:17

Hi mihingte sia a kang sa cik taw kibang a, vuipi suangval ii a seamkeak meeikaaite bang ahi uh hi; Pathian in amate atu in, a zing belna mun khealsiasak hi.

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.

Thupualaakna 22:15

Ahihang lampialte, bum le ai toaite, a paktatte, mihing thatte, milim biate, leilot kampauna le ngamtatna taw ngualtheam theite khuapi puasia ah om tu uh hi.