Matthew 15:12 - Syin Chin Bible

¹² Tua zawkciangin a nungzuite, ama kungah pai in, “Tu a na pau teng a zaak ciangin, Pharisee te ii maktak hunlam na he ziam?” ci in dongh uh hi.

Matthew 15:12 Iomraidhean Croise

Matthew 11:6

Kei tungtaang ah a lungmang ngawlte bangza in lungdam ziam!” ci hi.

Matthew 15:11

Mihing khat a kam sungah a tum suk sia in ama zeksa ngeina bangin ninsak ngawl hi, a kam sung pan hong pusuak sia in ama ninsak hi,” ci hi.

Matthew 15:13

“Vantung a ka Pa ii suan ngawl peuma a kung simin kibotkeak tu hi,” ci in Jesus in zo hi.

Matthew 17:27

Ahihang mihingte thin uuksak nuam bua hing. Tua ahikom tuili ah va pai ta'n a, ngasa tangthaak ta'n. Ngasa a awk phitbel sia manin, a kam sung en lete, dangkatang khat om tu hi. Biakinn shia piak tu in kei atu le nang atu kicing tu hi. Va la ta'n a, ih shiate amate va pia ta'n,” ci hi.

2 Corinth te 6:3

Ka nasepna uh taw kisai in khat pawpo ii mawna hong zon tu sia ka dei bua uh a, tua ahikom kuama haksatnate a nga natu in ka hanciam bua uh hi.

Galatia te 2:5

ahihang lungdamna thu ii thumaanna sia note atu a kikepcing thei natu in, amate deina tawmvei bek zongh ih zawp hun a om bua hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.