Matthew 14:25 - Syin Chin Bible

²⁵ Zingsang nai thum le nai luk kilaklaw in, Jesus in tui tung nungzuite sangah hong pai hi.

Matthew 14:25 Iomraidhean Croise

Job 9:8

Pathian ii vantungte a phalh ciang ahizong tuipi nganhing pui sia ii thibin a totcip ciang ahizong kuama in hu ngawl hi.

Psalm Late 104:3

Tuaciangin na inn sia tungsang a om tuite tungah na sa hi. Meeite sia siphu ngalleang bangin na zangh a, vui ii thate tungah na to hi.

Matthew 24:43

Inn neipa khat in ngutate ii hong pai hun tu he le, mu ngawlin om tu a, ngutate in inn a phuulsak buatu hi, ci in na heak uh ahi hi.

Mark 13:35

Tua ahikom, na kikeam tavun, banghang ziam cile, innteakpa bang hun ciang hong cia kik tu, ci in na he bua uh hi — nitak zongh hi thei, zankim zongh hi thei, tua ahibuale zingtuung zongh hi thei, nisua laitak zongh hi thei hi.

Mark 6:48

Ama in a nungzuite ngunkuang nasia tak hotin a om mu hi, banghang ziam cile amate in vui vakna sang maingat in hot uh hi; tuaciang zingsang nai thum le nai luk kilaklaw in Jesus amate sang tui tungah lam hong pai hi. Ama in a nungzuite suang khial tu in kithoai a,

Luke 12:38

Zankim laitak ahizong, tua zawkciang ahizong, ama hong cia hun in, a kinging sa a om naseamte in bangzata in thupha a nga tu ziam?

John 6:19

Nungzuite in kilometre 5 bang 6 bang ngunkuang a haw zawkciang, Jesus tui tungah lampai in, ngunkuang nai ah hong pai a mu uh ciang, amate lau uh hi.

Thupualaakna 10:2

Ama in a khut sungah laizial no khat phalhsa in toai hi. Ama in a peang ziatsang sia tuipi tungah nga in, a peang veisang sia leitung ah nga hi,

Thupualaakna 10:5

Tuaciangin vantunglalang khat tuipi le leitung sisanh in a ding ka mu sia in, a khut ziatsang vantung ah laamto in,

Thupualaakna 10:8

Tua zawkciang vantung pan hong paupuina aw, ka zaak ngeisa aw sia in, kei hong paupui kik a, “Va pai ta'n a, tuipi le leitung a sisanh vantunglalang ii khut sungah laizial sia la ta'n,” hong ci hi.