Matthew 14:19 - Syin Chin Bible

¹⁹ Ama in mipite sia lopa tung a to siat natu in thupia hi; tua zawkciangin anluum nga le ngasa nii te la in, van ento a, Pathian munah lungdamko hi. Ama in anluumte baltham in nungzuite pia a, nungzuite in mipite pia sawn uh hi.

Matthew 14:19 Iomraidhean Croise

Matthew 14:18

“Tua ahile tuate keima kungah hong paipui tavun,” Jesus in ci hi.

Mark 6:39

Jesus in a nungzuite munah mipite a pawl a pawlin, lopa hing tungah tosakin sawl hi.

Mark 6:41

Tua zawkciang Jesus in anluum nga le ngasa nii teng la a, van ento in, Pathian tungah lungdamko hi. Ama in anluumte baltham in mipite hawmsak tu in a nungzuite tungah pia hi. Ngasa pum nii te zongh, amate sungah hawm siat hi.

Mark 7:34

Tua zawkciang Jesus in, van ento a, phiing vahumin, “Ephphatha,” “Kihong in!” ci hi.

Luke 22:17

Tuaciang Jesus in hai la a, Pathian pokin hi bang ci hi. Hisia la vun a, no sungah hawm tavun.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Luke 24:30

Amate taw an ne tu in to a, anluum la in thupha a piak zawkciangin, balneen in amate pia hi.

Luke 9:14

(Pasalte tulnga bang pha hi). Jesus in a nungzuite tungah, “Mihonpite pawl khat ciang sawmnga bang veu a pawl a pawlin tosak vun,” ci hi.

Luke 9:16

Jesus in anluum luum nga le ngasa tawn nii la in vantung en to a, Pathian tungah lungdam a ko zawkciang tuate balneen in, mipite sungah hawm tu in a nungzuite pia hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

Sawltakte 27:35

Hi bangin a ci zawkciang, Paul in anluum pawlkhat la in, Pathian pok in, amate theampo mai ah balneen in ne tu in kipan hi.

Romete 14:6

Ni tuam khat a thupi tuamin a ngaisun sia in Topa upatna taw ngaisun ahi hi; bang khat po a ne khat in Topa upatna taw ne ahi hi; banghang ziam cile ama in Pathian ii a piak an atu in lungdamko hi. Bang khat po neak tu a ten sia zongh in Topa upatna taw a ten hi a, ama zongh in Pathian tungah lungdamko hi.

1 Corinth te 10:16

Topa ii Zan An neakna hai hangin Pathian tungah lungdam ih ko hi; tua hai taw ih dawn ciang Christ ii chisan a siim khawmte ih hi hi. Tuaciang anluum ih balneen hi: hi a kibalneen anluum ih neak ciang, Christ ii pumpi a siim khawmte ih hi hi.

1 Corinth te 10:31

Pha hi, bang pawpo na vawt zong, bang pawpo na ne na dawn zong, Pathian minthan natu in na hi vun.

1 Corinth te 11:24

Pathian munah lungdam a ko zawkciang anluum balneen a, “Hisia in note atu in a kipia ka pumpi ahi hi. Kei nong phawna in hi bangin vawt vun,” ci hi.

Colossae te 3:17

Na sep, na son uh theampo hu in, Pa Pathian tungah lungdam na ko uh ciangin, Topa Jesus min taw na vawt tu uh hi.