Matthew 13:52 - Syin Chin Bible

⁵² “Tua ahikom, Thukham hil syate khat pawpo sia Vantung ngam sungah nungzui a sua ciangin bang taw kibang ziam cile vanh kholna inndoi sung pan, vanh thak le vanh lui te a pusua inn neipa taw kibang hi,” ci hi.

Matthew 13:52 Iomraidhean Croise

Ezra 7:10

Ezra in a nuntakna sia Topa Thukham sinna, a sinsate zuina, le Israel mite tungah thukham le ngeina theampo hilna in zangh hi.

Ezra 7:21

“Keima in thiampi le Vantung Pathian ii Thukham a he, mipil Ezra ii hong nget theampo thakhat thu piak tu in Euphrates Nitumna Ngam sungah a om sum lamsang a len uliante theampo thu ka pia hi,

Ezra 7:6

Ezra sia lai thiam mipil khat hi a, Topa, Israel te ii Pathian ii Moses tungah a piak Thukham teng he sitset hi. Ezra in Topa a Pathian thupha nga ahikom, a nget theampo kumpilianpa in pia hi. Artaxerxes ii kumpi maan hun a kum sali kumin Ezra sia thiampite, Levi te, biakinn music thiamte, biakinn cingte le naseamte a kihel Israel te honkhat taw Babylon pan Jerusalem zuan hi.

Paunakte 11:30

Thutang in nuntakna pia a, ahihang ngoltolna in nuntakna bosak hi.

Paunakte 15:7

Heakna sia mihing a ciimte in kizelsak a, mihing mawmawte ii kizelsak hi ngawl hi.

Paunakte 18:4

Mihing khat ii kammalte in ciimna ii naak, tuipi bangin a thuk le a thiang luamtui luang bang hi thei hi.

Solomon ii La 7:13

Mandrakes dei aikung ngim namtui na za tu a, tuaciang thingnga lim theampo sia ih kongbiang hui ah om tu hi. Kong it ngaino awng, thingnga a lui le a thak nang atu in kong khealsiasak hi.

Matthew 12:35

Mihing phate in a thinsung a ngaisutna pha a kholsa te sung panin pau uh a; mihing ngilote in a thinsung thusia a kholte panin kamsia pau hi.

Matthew 13:51

Jesus in, “Hi thute na tel uh ziam?” ci in dongh hi. “Tel khu hi,” ci uh hi.

Matthew 13:53

Jesus in hi thusonteena thute a son zawkciang tua mun nusia a,

Matthew 23:34

Tua ahikom, kamsaangte, mihing ciimte le syate sia note kungah kong paisak tu hi; tuate pawlkhat na thatlum tu uh a, pawlkhat thinglamtee tungah na kilh tu a, pawlkhat sia synagogue inn sungah na vel tu uh a, khuapi khat pan khuapi khat ah na delkot tu uh hi.

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Luke 11:49

Hi thu hu in Pathian ii Ciimna in hi bangin ci hi. ‘Kamsaangte le kamtaite ka paisak tu hi. Amate in pawlkhat thatlum tu a, a dangte vawtsia tu uh hi.’

John 13:34

Tuaciang, tu in thupiak thak khat kong pia hi: Khat le khat na ki it vun. Note kong it bangma in, khat le khat na ki it hamtang vun.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

Ephesus te 3:4

Kong lai at sa sia na sim uh le, Christ thuku ka heakna thu na he tu uh hi.)

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

Colossae te 1:7

Pathian ii thuthiamna sia kote taangin Christ ii thumaan naseampa ka nasep pui Epaphras tung panin heakna na nga uh hi.

Colossae te 3:16

A kicing Christ ii thu na thinsung uh ah hong teang tahen. Khat le khat ciimna theampo taw kihil kilak tavun. Psalm late, pokna late le la thiangtho te na thinsung uh ah lungdamkona in Pathian tungah na sa vun.

1 Timothy 3:6

Ama in kiphatsakna taw a kidim Doaimangpa bangin pua vawkna a thuak ngawl natu in, upna sungah a khanthin sa khat hi tu hi.

Titus 1:9

Ama in up tu thubul taw a kisi, a muan thamman thu sia kho takin len tu hi. Tuabang hile thumaan hilcianna taw ngualdangte hanthawn thei tu a, tuaciang, tua thumaan kihilna a nalhte ii khialna zongh lak thei tu hi.