Matthew 13:44 - Syin Chin Bible

⁴⁴ “Vantung ngam thu hi bang ahi hi. Pasal khat in lo khat sungah sum kiphual khat mu hi. Ama in lei huk kikin, lungdam mama ahikom a neisa theampo zuak a, tua zawkciang pai kikin, tua lo lei hi.

Matthew 13:44 Iomraidhean Croise

Job 28:13

Ciimna sia a thithei mite sungah kimu ngawl tu hi. Kuama in a manphatna tatak he ngawl hi.

Paunakte 16:16

Khamh le ngunn sangin ciimna le heakna nei tu phazaw hi — phazaw pek hi.

Paunakte 17:16

Mihing mawmaw khat ii tungah pilna sin natu sum bosakna in phat tuamna om ngawl hi, banghang ziam cile ama in pianpui khentel theina nei ngawl hi.

Paunakte 18:1

Ngual taw a kituiton thei ngawl mihingte sia amate bek a kikinte ahi hi; midangte ii maan hi ci in a heakte a thukim pui buatu hi.

Paunakte 23:23

Thumaan thutak, ciimna, sintheina le khua ngaisut theina, hite sia a man piak taak a, ahizong na zuak tu in manpha lei hi.

Isaiah 55:1

Topa in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

Matthew 13:24

Jesus in thusonteena dang khat son a: “Vantung ngam thu sia hi bang ahi hi. Pasal khat in a lo sungah thaicii pha poai hi.

Matthew 13:46

a hoi tangtuam mama khat a mu ciangin, a neisa theampo zuak in, tua suangmanpha lei hi.

Matthew 13:47

“Vantung ngam thu in hi bang hi si hi. Ngasa man pawlkhat in a ngeen uh tuili sungah paai in ngasa namcin man uh hi.

Matthew 19:21

Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.

Matthew 19:27

Tuaciang Peter in, “En in, na theampo nusia in nang hong zui khu hi, bang ka nga tu uh ziam?” ci hi.

Matthew 19:29

Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi.

Matthew 6:21

Banghang ziam cile na neisate omna munah na thin na lung uh om tu hi.

Luke 14:33

Tuabang ma in note khat pawpo in na neisa theampo na nusia bua uh le, ka nungzui na suak thei buatu uh hi” ci hi.

John 6:35

Jesus in, “Keima in, nuntakna anluum ka hi hi. Kei kungah hong paite in, a ngilkial ngei nawn ngawl tu hi; kei hong umte in, a dangko ngei nawn ngawl tu hi.

Romete 15:4

Eite thin sauna le hanthotna tungtawn a, upna ih nei natu in, Laithiangtho sungah a ki atte theampo in eite hong hil natu a ki at ahi hi.

Colossae te 2:3

Pathian ciimna le heakna a kiphualseal sumngum theampo a kihonna tawtang sia ama ahi hi.

Colossae te 3:16

A kicing Christ ii thu na thinsung uh ah hong teang tahen. Khat le khat ciimna theampo taw kihil kilak tavun. Psalm late, pokna late le la thiangtho te na thinsung uh ah lungdamkona in Pathian tungah na sa vun.

Hebrew te 10:34

Thongtaakte na thuakpui uh a, na neisa theampo hong kimatsak ciangin, tua supna sia lungdam takin na thuak uh hi, banghang ziam cile a tawntung a, a kikhomsuan tu, a phazaw pek khat, nei nginge lai na hi uh sia na he uh hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.