Matthew 13:38 - Syin Chin Bible

³⁸ Thaicii pha sia Kumpingammite ahi hi; mimphei sia a ngilopa ii neisa mihingte ahi uh hi.

Matthew 13:38 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Psalm Late 22:30

Maisang khangkikte in ama atu seam tu uh hi; amate in hong khang pheang tute tungah Topa thu son tu uh hi.

Isaiah 53:10

Topa in, “Hi bang a thuak natu sia keima deina ahi hi; a thina sia mawna maisak natu in biakpiakna ahi hi. Tua ahiciang ama in a suan le a paalte mu tu hi; Ama a khansau in, ama tungtawnin ka tupna taangtung tu hi.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

Matthew 13:19

Kumpingam thu huvau thu kisonte za napi a tel ngawlte sia lampi tungah a taak thaiciite taw kibang hi. Ngilopa hong pai a amate ii sungah a kituu thute laaksak hi.

Matthew 24:14

Tuaciangin, hi Kumpingam Lungdamna Thupha sia, leitung theampo ah tetti tu in minam theampo tungah kihil kawkoai tu hi; tua zawkciang hun bona hong theng tu hi.

Matthew 5:37

A hite ‘Hi’ ma ci vun, ahi ngawlte ‘Hi ngawl’ ma ci vun — tua tungsia pauna sia Ngilopa kung pan hong pai ahi hi.

Matthew 8:12

Ahihang tua Kumpingam sungah om tu a kilawmte, khuazing sungah kivawk tu a, tua munah kapin ha ngoai in om tu hi,” ci hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

John 12:24

A tatakin kong ci hi: zungtaang tang khat lei ah taak a, a thi phot buale tang khat nguak hi top hi. A thi le a tang tam piangsak hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

Romete 10:18

Tua ahile amate in a thu za ngawl hi tu ziam?, ci in kong dongh hi. Za hi — laithiangtho in hi bangin ci hi: “Leitung theampo ah amate ii aw theng hi; Amate ii kammal leimong dong theng hi.”

Romete 16:26

Tu in ahile kamsaangte lai atna sung panin tua thumaan thutak sia a kilanghtakna ah kikoi zo hi; tuaciangin a nungta tawntung Pathian sawlna taw minam theampo in um a, a nit thei natu in amate tungah kihesak zo hi.

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

James 1:18

Ama ii piansaknate theampo sung pan a thupibel ih sua thei natu in, thumaan kammal tungtawnin, ama ii deina om babangin eite hong piangsak hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

1 Peter 1:23

Banghang ziam cile a nungta tawntung Pathian kammal tungtawnin, a thi maw a nungta tawntung nu le pa khat ii tate bangin, na piangthak zo uh hi.

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.

Thupualaakna 14:6

Tuaciangin leitung mihingte, minam sim, bee le phung sim, paunam sim le ngam sim te ii tungah a kip tawntung Lungdamna Thupha son tu a nei vantunglalang dang khat a saangna vui sungah a leang ka mu hi.