Matthew 13:35 - Syin Chin Bible

³⁵ Hi bangin ahi sia kamsaangpa pauna a taangtut natu ahi hi, “Amate tungah ka pau ciangin thusonteena ka zangh tu hi; Simlei a kibitphua pan kipan a kihe ngeingawl thute amate tungah ka son tu hi.”

Matthew 13:35 Iomraidhean Croise

Psalm Late 49:4

Paunakte kong zangh tu a tengtongh ka tum ciang a khiakna kong sontel tu hi.

Psalm Late 78:2

Ciim kamtepteete kong zangh tu a, hun bosa sung a, a telhak thute,

Isaiah 42:9

Tu in ka sonkhol thute taangtung tu hi. Tu in a piang ngawl lai thu thakte hong pian ma ngawngawn in, kong son tu hi.” ci hi.

Amos 3:7

Vaanglianpipa Topa in a naseam kamsaangte tungah a tupna kilanghsak phot ngawlin bangma seam ngeingawl hi.

Matthew 13:14

Tua ahikom, Isaiah sonkholna sia amate tungah kibul thei hi; ‘Hi mihingte in ngangai ahihang tel ngawl tu hi. Amate in e en ahihang mu ngawl tu hi.

Matthew 13:3

Ama in thu tam mama a son natu in, thusonteenate zangh hi. “Khatvei lai in, pasal khat sia thaicii poai tu in kuan hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:2

tuaciang amate tungah hil tu in kipan hi.

Luke 10:14

Pathian in Thukhenna Ni ciangin, note sangin Tyre le Sidon khuate hesuak zaw tu hi.

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

Sawltakte 15:18

hi thu taangh tawngh laipek pan a hesak Topa in son hi.’

1 Corinth te 2:7

Tua ka thansak ciimna thu sia mihingte ii heak ngawl tu in a kiseal Pathian ii ciimna thuku hi a, ahihang eite minthanna tu in, leitung pian ma ngawngawn in, Pathian koi sa thu ahi hi.

Ephesus te 3:5

Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi.

Ephesus te 3:9

tuaciang mihing theampo in, koi bangin Pathian thuku sia kiseam thei tu ziam ci in a mu thei natu in hong seamsak hi. Vantung ngam ah vantunglalang a ukte le vaangletna a neite ii, Pathian ii ciimna a tuatuamte, tu hun sungah pawlpi tungtawnin a heak thei natu in, na theampo a bitphua Pathian in a thuku sia a bosa khang hunte sungah seal top hi.

Hebrew te 1:1

A bosa hunin, Pathian in ih taanghpupite tungah kamsaangte tungtawnin, lam tuatuam taw tamvei ma paupui hi,

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.

Thupualaakna 17:8

Nganhing sia khatvei lai nungta ngei ahihang tu in nungta nawn ngawl hi; ama sia a hawng thukpui sung panin, hong pusuak to dektak zo a, a kisusia tu in pai tu hi. Leitung bitphua ma in, nuntakna laibu sungah a min uh a kikhum ngawl, leitung ah a nungta mihing theampo in, nganhing sia a et uh ciangin, lamdang sa tu uh hi. Ama sia khatvei lai in nungta ngei hi; tu in nungta nawn ngawl hi, ahihang khatvei hong kilangh kik tu hi.