Matthew 13:25 - Syin Chin Bible

²⁵ Zan khat ciang, ngual theampo ii mut laanin, a ngalte khat hong pai a, taangkungte ii kawmah mimphei cii tuu in nusia hi.

Matthew 13:25 Iomraidhean Croise

1 Kumpite 3:20

Ama zan lai in tho a, ka mut lanin ka tapa sia ka pangh pan hong la a, ama ii lupna ah paipui hi; tua zawkciang ama in nausen thisa sia keima ii lupna ah koi hi.

Matthew 13:24

Jesus in thusonteena dang khat son a: “Vantung ngam thu sia hi bang ahi hi. Pasal khat in a lo sungah thaicii pha poai hi.

Matthew 13:26

A kungte po in a huite lua tu in a kipat ciangin, mimpheite kilangh hi.

Matthew 13:27

Lo neipa ii naseamte hong pai a, ‘Topa awng, lo sungah na poai thaiciite thaicii pha veu hi kana ngawl ziam?, koisung pan mimpheite hong piang ziam?’ ci uh hi.

Matthew 13:29

‘Oai ngawl khi hi; mimphei na baw uh ciangin taang zongh na botkeak tha tu uh hi.

Matthew 13:30

Anlaak hun dongin mimphei le taangte na po khawmsak lel vun. Tuasia ciangin anlate munah, mimphei teng bot phot vun a, lomsawm in hal vun, tuasia zawkciang taang teng la in ka saal sungah khum vun,’ ” ka ci tu hi, ci hi.

Matthew 13:39

Tuaciangin mimphei leisung a tuu ngalpa sia Doaimangpa ahi hi. Anlaak hun sia hun bona ahi hi, anlate sia vantunglalangte ahi hi.

Matthew 25:5

Zineipa theng hak ahikom, ngaknute lusu in mu uh hi.

Galatia te 2:4

ahizong mihing pawlkhat in vunteap atsak nuam hi. Christ Jesus taw ih kipumkhatna tungtawnin ih nga suatakna thu kan nuamin, hi mite pawlkhat sia ih thu uppuite bangin hong kivawt a, eite sungah thudawpku tu in hong tum ku hi. Amate in eite sila in hong kai nuam hi,

Hebrew te 12:15

Pathian ii thuthiamna pan na heak kik ngawl natu kikeam tavun. A khaa thingkung khangto a, lalna tam mama a piangsak nguu a nei thingkung bang na hi heak vun.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

Thupualaakna 13:14

Nganhing masa sia ii mai ah vawt thei natu thu a nga bangin nalamdang laknate taw leitung mihing theampo theam hi. Tua nganhing in namsau taw kiliamsua napi a nungta lai nganhing sia upat natu in milim khat a vawt natu amate sawl hi.

Thupualaakna 2:20

Ahihang nang kong mawsiat nopna pan: Pathian naseam khi hi ci in a kivawttawm Jezebel numeinu sia dual ni hi. Ama hilna taw ama in ka naseamte lamkhialsakin, milim biakna ante neakna le, numei le pa paktatnate vawtsak hi.