Matthew 13:23 - Syin Chin Bible

²³ Tuaciangin lei phana ah a taak thaiciite ahile a thu za in a telte ahi uh hi: amate in a zaa zakhat, pawlkhat in a zaa sawmluk, pawlkhat in a za sawmthum in a nga uh hi.”

Matthew 13:23 Iomraidhean Croise

Ezekiel 18:31

A sia a kha na vawt uh theampo kheal vun a, thinthak lungthak na nei tavun. No Israel mite banghang thi nuam nu ziam?

Ezekiel 36:26

Lungtang thak le thin thak kong pia tu hi. A thinpui na suang lungtang kong laaksak tu a, thu a ni lungtang kong pia tu hi.

Matthew 12:33

“Thingnga pha a pian natu in, thingkung ciidam kul hi; thingkung ciidam ngawlte panin thingnga mannung ngawlte piang hi. Thingkungte a nga panin kihe hi.

Matthew 13:8

Ahihang thaicii pawlkhat lei phana ah taakin, ankungte hui a; a kung pawlkhat ii tung pan a zaa zakhat, pawlkhat a zaa sawmluk, pawlkhat a zaa sawmthum in nga hi.”

Matthew 3:10

Thingkungte phuk tu in a bul ah, heimai kingat zo hi, ngapha a nga ngawl thingkung theampo kiphuk tu a, meimang sungah kisep tu hi.

Matthew 3:8

Mawna pan kisii kikna lim kilanghsak vun.

Mark 10:15

A tatakin kong ci ciang, patangno khat ii saan bangin Pathian Ngam a saang ngawl peuma in, tuasung ah a tum thei buatu hi.”

Mark 4:20

Ahihang mihing pawlkhatte lei phana a, a kipoai thaiciite bang ahi hi. Amate in a thu za a, saangin, a nga nga uh hi, pawlkhat a zaa sawmthum, pawlkhat a zaa sawmluk, pawlkhat a zaa zakhat dongin nga uh hi.

Luke 13:9

Theikung sia hong nga le pha seseam hi, tuabang ahibuale na phuk thei tu hi,’ ” ci hi.

Luke 8:15

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Luke 8:8

Tuaciang thaicii pawlkhat leiphana ah tu hi; a kung po a, a kung simin a zaa zakhat tek nga hi.” Tuaciang Jesus in a thuson khup a, “Bil nei po in hi thu za tavun!” ci hi.

John 15:16

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

John 8:47

Pathian kung pan hong pai pa in, Pathian kammalte ngai hi. Ahizong no sia Pathian kung pan na hi bua uh a, tua hu in hong ngai nuam ngawl nu hi,” ci hi.

Sawltakte 16:14

Thu hong ngaite khat sia Thyatira khua pan Lydia hi a, ama in puan sandup zuak nu khat ahi hi. Ama in Pathian a bia numei khat hi a, Paul thusonna teng a ngai tu in, Topa ii a thinsung a honsak nu ahi hi.

Sawltakte 17:11

Tua khua mite in Thessalonica khua mite sangin ngaisun kaak thei zaw uh hi. Amate in lawpna lian taw thusonte ngai in, Paul thusonte maan tatak ziam ci in a heak natu in ni simin Laithiangtho en uh hi.

2 Corinth te 9:10

Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 4:17

Letsong nga tute a thangai ka hi bua hi; na thupha vawt sate tungah a meet a kibelap tu ka mu nopna hizaw hi.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

1 Thessalonica te 4:1

A khakbelin suapuite awng, Pathian ii diksak nuntakzia sia, ko tung panin na sin sa uh ahi hi. Hisia in note nuntakzia sia ma ahi hi. Tu in tua sang zong a nasia zaw in na nuntak natu uh Topa Jesus min taw kong ngen uh a, kong thawn uh hi.

2 Thessalonica te 2:10

tuaciangin a lal tu teng tungah a seksol theamna namcin zangh tu hi. Amate lal tu hi, banghang ziam cile amate a kihutna tu thumaan thutak sia a saang bua uh a, a it bua uh hi.

Hebrew te 4:2

Banghang ziam cile eite zongh amate bangma in lungdamna thu ih za zo hi. Amate ahile tua thu za napi amate atu phatuamna a pia bua hi. Banghang ziam cile amate in a zaak uh ciangin upna taw a saang bua uh hi.

Hebrew te 6:7

Lothote atu a limci ankungte a posak nguatui a dawn leitangte ii tungah Pathian in thupha pia hi.

Hebrew te 8:10

Tu in hisia in, maisang hong pai lai tu hun sungah, Israel mite taw ka vawt tu thuciamna ahi hi, Topa in ci hi: Ka thukhamte amate thinsung ah ka koi tu a, a lungtang tungah ka at tu hi. Kei sia amate ii Pathian ka hi tu a, amate sia keima ii mite ahi tu hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.