Matthew 13:22 - Syin Chin Bible

²² Lingphung sung a thaicii taakte sia a thu a zate ma hi a, ahihang nuntak natu thinngim in, hau tu a uukte hi a, tuate in khulup ahikom a nga a hui a nei bua uh hi.

Matthew 13:22 Iomraidhean Croise

Psalm Late 52:7

“En vun, ngammuan natu Pathian a suang ngawl, hi sungah mihing khat om a, ama in a nei a lamh tampite suang a, seksol ngamtatna taw ngammuanna zon a sawm zaw hi,” hong ci tu uh hi.

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Paunakte 11:28

A hauna uh a suangte in tangngam lai a, thingteete bangin a pul tu uh hi, ahihang thutangte in khaal lai a, thingteete bangin a khang tu uh hi.

Paunakte 23:5

Na sumte sia muvanlai khat a tha hong po in a len bangma in thakhat thu in bo thei hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Jeremiah 4:3

Topa in Judah mite le Jerusalem khua mite tungah, “Na thaw ngawl lai uh lote tho vun; ling kawm sungah na anciite poai heak vun.

Matthew 12:32

Mihing Tapa a sonsiate kimaisak thei hi; ahihang Thaa Thiangtho a sonsiate tu hun ahizong, maisang a tawntung ahizong kimaisak ngawl tu hi.

Matthew 13:39

Tuaciangin mimphei leisung a tuu ngalpa sia Doaimangpa ahi hi. Anlaak hun sia hun bona ahi hi, anlate sia vantunglalangte ahi hi.

Matthew 13:40

Mimpheite kitawm in meikuang sungah a kihal bangma in, hun bo ciang, tuabang ma a hi tu hi:

Matthew 13:7

Thaicii pawlkhat lingphung sungah taak a, tua lingte khangin ankungte deapcip hi.

Luke 12:15

Amate tungah hi bangin ci thua hi. “Duhopna namcinte panin, noma le noma kikeam tavun. Banghang ziam cile bangza po in a haubel hangin mihing khat ii nuntakna tatak sia neisa lamhsate hi ngawl hi.”

Luke 12:21

Tuaciang in Jesus ii a thukhupna ah, “Pathian muna ah hauna ahi ngawl leitung haunate amate atu a kholte sia tu a ih son sia pa bang ahi hi,” ci hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

Luke 8:14

Ling kawm ah thaicii a tute sia a thu za a, ahizong thinngimna, hau nopna le leitung nopsaknate in khunel a, amate min hun a nei bua hi.

Sawltakte 8:18

Amate tungah sawltakte a khut a ngak uh ciangin, thu um mite tungah Thaa Thiangtho a kipiak sia Simon in mu hi. Tua ahikom Peter le John tungah sum pia in,

Romete 12:2

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

1 Corinth te 1:20

Tua ahile mihing ciimte, pilna saang neite, ahibuale leitung ah thu kinialna a thiamte sia bang suak tu ziam? Hi leitung ciimna sia mawmawtna hi ci in Pathian in lak zo hi!

1 Corinth te 2:6

Ahizongin thaa lamsang ah a khanthin sate tungah ciimna thu ka thangsak hi. Ahihang tua ciimna in hi leitung ciimna, ahibuale a bo kuan ahi, hi leitung vaangletna a nei leitung ukte ciimna ahi bua hi.

1 Corinth te 2:8

Hi leitung a uk mihingte kuama in, hi ciimna thu a he bua uh hi. He hile, a minthang Topa sia thinglamtee tungah a thatlum buatu uh hi.

1 Corinth te 3:18

Kuama in ama le ama kitheam heak hen. Note sungah khat po in ama le ama sia, leitung paizia taw etna in, ciim a kisa le a ciim takpi ahi natu in a mawmawt phot kul tu hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.