Matthew 13:21 - Syin Chin Bible

²¹ Ahihang a thu in amate sungah a thuk in tum ngawl a, khuangei khom ngawl uh hi. Tua ahikom haksatna le vawtsiatna hong pai ciangin amate puk uh hi.

Matthew 13:21 Iomraidhean Croise

Job 19:28

noma in, “Bangbangin ama ii nat natu vawt zazaan thei tu hi ziam?” na ci uh hi. Kei nong sim natu uh paulap khat na zong uh hi.

Psalm Late 36:3

Ama ii kampauna in seksolna le leilotnate taw kidim a, ama in ciimna le phatna taw seam nawn ngawl hi.

Paunakte 12:12

Mihing seksolte ii uuk theampo sia, a sia vawt tu zonna ahi hi, ahihang thutangte a dinmun kho hi.

Paunakte 12:3

Seksol tatsiatna in thinmuanna pia ngawl a, ahizong mihing thutangte in dinmun kip nei hi.

Hosea 6:4

Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 11:6

Kei tungtaang ah a lungmang ngawlte bangza in lungdam ziam!” ci hi.

Matthew 13:20

Suang tungah a taak thaiciite sia a thu a zaak uh po ciang, lungdam takin a saangte ahi uh hi.

Matthew 13:57

Tua hi a amate in a saang thei bua uh hi. Jesus in amate munah, “Kamsaangpa khat sia ama khua le ama innkuan sung ngawl buang mundang theampo ah kizatak vawt hi,” ci hi.

Matthew 13:6

Ahihang ni a sat ciangin ankung note kaanghlum hi; zung thuk tha ngawl ahikom, ankungte ko ngawtaak cip hi.

Matthew 24:13

Ahihang a tawp dong a thumaante kingum tu hi.

Matthew 26:31

Tuaciangin Jesus in amate munah, “Zan ciang tatak ma in no na vekpi in taikeak in kei hong nusia siat tu nu hi, banghang ziam cile laithiangtho in, ‘Pathian in tuucingpa thatlum tu a, tuute sia kithethaang tu hi,’ ci hi.

Matthew 26:33

Peter in Jesus munah, “A dangte theampo in hong nusia zong, kei kong nusia buatu hi!” ci hi.

Mark 4:17

Ahihang a thu in amate sungah thuk bun ngawl ahikom, khuangei a khom bua uh hi. Tua ahiciang tua thu hangin ngimna le vawtsiatna hong pai ciang, thakhat thu in amate pukkik uh hi.

Luke 8:13

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

John 6:26

Jesus in, “A tatakin kong ci ciang, kei nong zon uh sia, nalamdang ka laknate na tel uh hang hi ngawlin, anluum na du uh za a na neak uh hang ahi hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Galatia te 5:6

Banghang ziam cile Christ Jesus taw pumkhatin ka om uh ciang vunteap atna ahizong, at ngawlna ahizong bangma kitumdanna a omsak bua hi; a thupi sia in ki itna tungtawn a, na a seam upna ahi hi.

Galatia te 6:12

Note tungah zawthawk thu taw vunteap hong atsak nuamte sia, a puatham thute ah kisa thei a, a kisuangtaakte ahi hi. Ahizong amate ii tuabang a vawtna sia, Jesus ii Thinglamtee hu in amate in vawtsiatna a thuak bua thei tha le ci in a ngaisut uh hang bek ahi hi.

Galatia te 6:15

Mihing khat vunteap a ki at le a ki at ngawl sia a phatmawkna mama om ngawl het hi; a pha maw sia in mihing thak suana ahi hi.

Ephesus te 3:17

na upna hangin note thinsung ah Christ hong teangin, ki itna thu ah zung thuk le, bulkip na nei natu in thu ka ngen hi,

Philippi te 1:6

Tua ahikom no sungah hi nasep pha hong patpui Pathian in nasep a kizaw tu hun Christ Jesus Ni ciang dong na hong seam suak tu ka ci ngam hi.

2 Timothy 1:15

Phygelus le Hermogenes kihelin, Asia ngammi theampo ii kei hong taisat siat sia na he hi.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.

James 3:2

Ih vekpi in, sep khial ih nei bul hi. Ahihang mihing khat in, pau khialna a nei ngei buale ama sia a cialcing hi a, a pumpi bup zongh, a uk thei mi ahi hi.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

Thupualaakna 2:13

Satan ii kumpi tokhum a ngakna munah na teen uh kong he hi. A thumaan ka tetti Antipas sia Satan teenna tua munah a kithalup hun dongin, na upna uh na thasua bua uh a, kei tungah nong thumaan uh hi.