Matthew 13:19 - Syin Chin Bible

¹⁹ Kumpingam thu huvau thu kisonte za napi a tel ngawlte sia lampi tungah a taak thaiciite taw kibang hi. Ngilopa hong pai a amate ii sungah a kituu thute laaksak hi.

Matthew 13:19 Iomraidhean Croise

Paunakte 1:7

Heakna na nei natu in Topa thasiana na nei phot kul hi. Mihing mawmawte in ciimna awlmawk ngawlin kan nuam ngawl hi.

Paunakte 17:16

Mihing mawmaw khat ii tungah pilna sin natu sum bosakna in phat tuamna om ngawl hi, banghang ziam cile ama in pianpui khentel theina nei ngawl hi.

Ezekiel 31:18

“Tua thingkung sia Egypt kumpipa le a ngammite theampo ahi hi. Eden huan sung thingkung ngawngawn amate bangin saangin thupisakhuai ngawl hi. Ahihang tu in Eden huan thingkungte bangma in mithi khua ah paisuk tu a, ngalsung a thite le Pathianzia a hi ngawlte taw omkhawm tu uh hi. Keima ka pau zo hi,” Vaanglianpipa Topa in ci hi.

Matthew 12:26

Tua ahikom Satan ngamsung zongh ah pawl tuam khat in, a dang pawltuam dangkhatte do in a om uh le Satan ngam a kikhen tham hi zo a, hai ngawlin zaantham tu hi.

Matthew 13:20

Suang tungah a taak thaiciite sia a thu a zaak uh po ciang, lungdam takin a saangte ahi uh hi.

Matthew 13:38

Thaicii pha sia Kumpingammite ahi hi; mimphei sia a ngilopa ii neisa mihingte ahi uh hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Matthew 5:37

A hite ‘Hi’ ma ci vun, ahi ngawlte ‘Hi ngawl’ ma ci vun — tua tungsia pauna sia Ngilopa kung pan hong pai ahi hi.

Mark 4:15

Mihing pawlkhatte lamdung ah a taak thaiciite taw kibang hi, a thu a zaak po ciangin, Satan hong pai in laaksak hi.

Luke 10:9

tua khua ah ciinate damsak vun a, ‘Pathian ngam, no taw hong kinai zo hi!’ ci in mite tungah son vun.

Luke 9:2

Tua zawkciang Pathian Ngam thuhil tu le ciinate damsak tu in amate paisak hi.

John 18:38

“Tua ahile thumaan thutak sia bang ziam?” Pilate in dongh hi. Tua zawkciang Pilate doipua ah pai kik a, mihingte tungah, “Hisia pa mawsak natu thu bangma ka mu zo bua hi,” ci hi.

John 8:43

Ka son teng banghangin tel ngawl nu ziam? Banghang ziam cile kong thu puak sia na ngai zawk ngawl uh hang ahi hi.

Sawltakte 17:32

Thina panin a thawsak kikna huvau, Paul ii son a zaak uh ciangin, pawlkhat in nunauna in nei uh a, ahihang a dangte in, “Hi thu huvau na son sia za kik nuam lai khu hi,” ci uh hi.

Sawltakte 18:15

Ahihang hi thu sia kammalte, minte le noma thukham taw kisai thu kinialna ahikom noma tek ma in khensat hamtang tavun. Tuabangte tungtaang ah thukhenpa seam ngawl tu khi hi!” ci hi.

Sawltakte 20:25

“Pathian Ngam thuhil in, note theampo sungah kong vak zo hi. Tuaciang note sung pan kuama in, kei nong mu kik ngei nawn ngawl tu uh sia tu in ka he hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.

Romete 14:17

Banghang ziam cile Pathian Ngam in neakna le dawnna thu hi ngawl a, Thaa Thiangtho ii piak thutang suana, thinnopna le lungdamna thu ahi hi.

Romete 2:8

Midangte ahile amate atu bek ngaisun in, thumaan nial in a maan ngawl thu zui uh hi; tuate tungah Pathian in a thangsiatna le a thin uukna buak tu hi.

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

2 Thessalonica te 2:12

Tua ahikomin, tua thumaan thutak a um ngawl, mawna sungah a nuamsa theampo, kipuavawk tu hi.

Hebrew te 2:1

Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.

1 John 3:12

Eite Cain taw ih kibang buatu hi; ama sia Ngilo Pa ii neisa hi a, a suapuipa tatak Abel thatlum hi. Banghang Cain in ama thatlum ziam? Banghang ziam cile ama ii ngamtatnate sia maan ngawl a, a suapuipa ngamtatnate maan ahihang hi.

1 John 5:18

Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.