Matthew 13:11 - Syin Chin Bible

¹¹ Jesus in, “Vantung ngam thuku sia note tungah hong kipia hi; ahihang amate tungah kipia ngawl hi.

Matthew 13:11 Iomraidhean Croise

Psalm Late 25:14

Topa sia ama' thu a nite ii lawm hi a, amate tungah a thuciam kipsak hi.

Isaiah 29:10

Mutthip natu in Topa in na mut hong suaksak hi. Kamsaangte sia mihingte ii mittang hi tu a, ahihang Pathian in amate mit humcipsak hi.

Isaiah 29:11

Kamsaan mukholnate theampo ii a khiakna sia note hong lak ngawl tu hi; a kikhakcip laizial khat taw kibang tu hi. Laisim thei khat kungah paipui in, nang hong sim tu in sawl le te a laizial kikhak cip ahikom kei sim thei bong hong ci tu hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Matthew 13:10

Tuaciangin nungzuite Jesus kungah pai a, “Mihingte tungah thu na son ciangin, banghangin thusonteena veu taw thuson ni ziam?” ci in dongh uh hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Matthew 19:11

Jesus in, “Hi kihilna sia mihing theampo atu kici ngawl a, Pathian ii piakte atu bek hi:

Matthew 20:23

“Ka hai sia dawn takpi tu nu hi, ahihang ka ziatsang le ka veisang a to tute sia kei teal thei hi ngawl hi. Hi munte sia ka Pa ii see sa mite atu ahi hi,” ci hi.

Mark 10:40

Ahihang ka ziatsang le ka veisang a to tute sia, kei in teal thei natu thu ka nei bua hi. Hi munte sia ama puuakholsak te atu in, Pathian in pia tu hi,” ci hi.

Mark 4:11

“No tungah Pathian Ngam thuku sia hong kipia zo hi,” ci in Jesus in zo kik hi. “Ahihang a puasang om ngualdangte in, thusonteena taw veu in a za tu uh hi.

Luke 8:10

ama ii a zo kikna pan, “Pathian ngam thu thuthukte heakna no tungah hong kipia zo hi. Ahizong ngualdang a tu in, sonteena taw kipia hi, amate in en napi in a mu thei ngawl, ngai napi in a tel thei ngawl natu in kivawt hi.

John 6:65

Tuaciangin ama in “Ama ii tuabang ahithei natu in, Pa in vawt buale, kuama kei kungah hong pai thei ngawl tu hi, kong cisia, hisia hang mama ahi hi,” ci thua lai hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 16:14

Thu hong ngaite khat sia Thyatira khua pan Lydia hi a, ama in puan sandup zuak nu khat ahi hi. Ama in Pathian a bia numei khat hi a, Paul thusonna teng a ngai tu in, Topa ii a thinsung a honsak nu ahi hi.

Romete 11:25

Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi.

Romete 16:25

Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi.

1 Corinth te 13:2

Pathian ii hu mop thuhil theina nei a; heakna theampo le thuku theampo telna nei a, mualte khiin zawk natu a kisamh upna teng ka nei hangin — itna ka nei buale kei sia bangma ka hi bua hi.

1 Corinth te 15:51

Hi a kiseal thumaan thutak sia ngai vun: Eite theampo ih thi siat buatu hi, ahihang lemle khakbel sia a kitum ciang, eite in tawmvei no sungin, ih kikheal tu hi, mitphet khat sung za in manlang tu hi. Banghang ziam cile lemle a kitum ciangin a thisate tho kik in thi kik ngei nawn ngawl tu a, ih vekpi in ih kikheal tu hi.

1 Corinth te 2:14

Tua Thaa a nei ngawl peuma in, Pathian Thaa kung pan hong pai thute a saang thei bua hi. Tuabang mihing khat in tua thute tel tatak ngawl hi; ama atu in tuate luithawthong thu ahi hi, banghang ziam cile thaa bulphuna taw bekin a man neina kikhentel thei ahihang hi.

1 Corinth te 2:7

Tua ka thansak ciimna thu sia mihingte ii heak ngawl tu in a kiseal Pathian ii ciimna thuku hi a, ahihang eite minthanna tu in, leitung pian ma ngawngawn in, Pathian koi sa thu ahi hi.

1 Corinth te 4:1

Kote sia Pathian thumaan thukute a keamcing tu a, hong kikoi Christ ii naseamte hi ci in nong ngaisut tu uh ahi hi.

1 Corinth te 4:7

Akua in note ngualdangte sangin a thupizaw in hong piangsak ziam? Na neisa uh theampo Pathian hong piaksa hi ngawl ziam? Tua ahile pha hi, na neisa uhte sia letsong ahi ngawl bang phetin, bangbangin kiphatsak pui thei tu nu ziam?

Ephesus te 1:18

Bang lametna nei tu in note hong sam a, a mite a piak tu a, a kamciam thuphate bangza in nasia, ci in na heak natu in na thinsung uh hong kihonsak a, a khuavak na mu thei natu in kong ngetsak hi,

Ephesus te 1:9

Pathian in a tupna sa bangin vawt a, a pawlcing tu in a khensat sa ama tupna thuku sia Christ zanghin, eite hong hesak hi.

Ephesus te 5:32

Laithiangtho sungah a thuk mama thuku khat kipualaak a, tua thu in Christ le pawlpi atu ahi hunlam ka tel hi.

Ephesus te 6:19

Lungdamna thuku sia hangsan tak le ngual ii tel tu ka son thei natu in, son tu ka kithoai ciang, Pathian ii ka son tu thu hong hil natu kei atu zongh thu hong ngetsak tavun.

Colossae te 2:2

Hi bang ka ngamtat sia amate thinletna taw a kidim natu, ki itna sungah a kikaizot natu, le thumaan heakna pan a piang thinmuanna a kicing hauna a nei thei natu deina ahi hi. Hisia lam panin Pathian thuku ahi Christ ama mama sia amate in he tu uh hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

1 Timothy 3:9

amate in upna thumaan a kipualaakte thinsung thiangtho taw kholet tu hi.

James 1:5

Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

1 John 2:20

Ahihang Christ ii no tungah Thaa Thiangtho hong buak sia na saang zo uh hi, tua ahikom na vekpi in thumaan thutak na tel uh hi.

1 John 2:27

Ahihang note na hi uh le, Christ in a Thaa no tungah hong buak zo hi. Note sungah ama Thaa a om laitengin hong hil tu kuama dang na kitaangsamh bua uh hi. Banghang ziam cile ama Thaa in na theampo huvau hong hil a, hong hil teng sia thumaan hi a, khial ngawl hi. Tua Thaa ii hilna na ni vun a, Christ taw pumkhat in na om vun.