Matthew 12:39 - Syin Chin Bible

³⁹ Jesus in, “Tu hun mihingte sia, bangzata in sia a, Pathian nei ngawl ziam! Nalamdang lakna hong ngen na hi uh ziam? Hong pia ngawl tu khi hi! No tung a hong kipia tu nalamdang lakna in kamsaangpa Jonah, nalamdang lakna sia bek hi tu hi.

Matthew 12:39 Iomraidhean Croise

2 Kumpite 14:25

Ama in Israel te ii neisa ngamkhen theampo, saksang pan Hammath Mualciangh, thangsang pan Tuipi Thi dong zo kik hi. Hisia in Jonah Gath Hepher khua pan a kamsaangpa Amittai ii tapa Oonah tungah Topa, Israel te ii Pathian ii a kamciamsa sia ahi hi.

Isaiah 57:3

No, mimawte awng, thu khenna thuak tu in hi munah hong pai tavun! Note in aisaante, nupa kipalngulte, le pumpi zuak numeite sangin na phazaw tuan bua uh hi.

Jonah 1:1

Ni khat ni in Topa in Amittai tapa Jonah paupui hi.

Matthew 16:4

Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Mark 8:12

Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.