Matthew 12:35 - Syin Chin Bible

³⁵ Mihing phate in a thinsung a ngaisutna pha a kholsa te sung panin pau uh a; mihing ngilote in a thinsung thusia a kholte panin kamsia pau hi.

Matthew 12:35 Iomraidhean Croise

Job 8:10

Ahihang taanghpupi miciimte in hilsak in; amate hong sonna teng ngai in:

Paunakte 12:6

Mihing seksolte ii kammalte in mihing thatlum thei a, ahihang a thutangte ii kammalte in tawnna a thuakte suatak hi.

Paunakte 15:23

A hun taw a kilawm a kiphu tu kammal zak thei sia bangza in thinnopna om ziam!

Paunakte 15:28

Mihing phate in ngual kam a zo ma in ngaisun masa uh hi. Mihing ngilote in manlang takin zo kik a, ahihang buaina piangsak hi.

Paunakte 15:4

Kamthiam in nuntakna piangsak a, ahihang ngitlo kampauna in na thin hong siasak hi.

Matthew 12:34

No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 13:52

“Tua ahikom, Thukham hil syate khat pawpo sia Vantung ngam sungah nungzui a sua ciangin bang taw kibang ziam cile vanh kholna inndoi sung pan, vanh thak le vanh lui te a pusua inn neipa taw kibang hi,” ci hi.

Matthew 7:17

Thingkung ciidamte in a nga pha nga a, ahihang thingkung ngina ngawlte sia a nga pha nga ngawl uh hi.

Luke 6:45

Miphapa in, a thinsung ah a kholsa phatnate panin, thuphate pusua a; mihing pha ngawl pa in thusiate pusua hi. Banghang ziam cile thinsung ah a dimin a om bangin kam panin kison hi.

Ephesus te 4:29

Kamsia pau heak vun, kammal manphate bek pau vun; kitaangsapna sungah a kizangh thei le hong sato thei kammalte pau vun, tua hile hong za po in, phattuamna nga tu hi.

Colossae te 3:16

A kicing Christ ii thu na thinsung uh ah hong teang tahen. Khat le khat ciimna theampo taw kihil kilak tavun. Psalm late, pokna late le la thiangtho te na thinsung uh ah lungdamkona in Pathian tungah na sa vun.

Colossae te 4:6

Na kampau na uh sia a zaak nop huai hi tu a, a lawp huai hi tawntung tu hi, tuaciangin mihing khat sim tungah a maanin na zo kik thei tavun.