Matthew 12:34 - Syin Chin Bible

³⁴ No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 12:34 Iomraidhean Croise

Psalm Late 53:1

Mihing mawmawte in, “Pathian om bo!” ci uh hi. Amate theampo siatna khaatna taw kidim siat a, a cizathuai nate seam zo uh hi; a maan a seam kuama a om bua hi.

Psalm Late 64:3

Amate in a leei uh namsau bangin taat hiam uh a, tuaciang kamsia pau tu in thaltang kap tu bangin eal uh hi.

Psalm Late 64:5

Amate in khat le khat sia ngual sawmku tu in kihanthawn uh hi; a thaangsia na mun tu kikum in, “Kuama in amate mu thei buan te” ci uh hi.

Paunakte 16:23

Mihing pilvangte in a pau ma in ngaisun khol uh hi; tuasia ciang amate pauna sia ngual zaak nop suak seseam hi.

Paunakte 4:23

Na khua ngaisut dan kidawm in; na nuntakzia sia na khua ngaisutna in zeam hi.

Isaiah 32:6

Mihing mawmaw khat in mawmawt kam veu pau in, a sia vawt tu vive ngaisun hi. A nasep le a kampau in Topa selnona vive hi a, ama in ngilkial dangtaakte an le tui pia ngeingawl hi.

Isaiah 59:14

Thukhaikimna kinilkeak a, a maan thu in hong neak thei ngawl hi. Thumaan thutak in mihon kikhopna sungah lutu a, thumaanna in tua munah om natu mun nga zo ngawl hi.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Matthew 12:35

Mihing phate in a thinsung a ngaisutna pha a kholsa te sung panin pau uh a; mihing ngilote in a thinsung thusia a kholte panin kamsia pau hi.

Matthew 15:18

Ahihang kam sung pan a pusuakte sia thinsung pan hong pai hi a, hite in mihing khat sia zeksa taw kisai in ninsak hi.

Matthew 23:33

Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 3:7

Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Luke 3:7

Mihonpite sia John ii tuiphum tu in, hong pai tek uh hi. Amate tungah, “No ngul honte awng, Pathian ii hong tunsak tu daan pan, suakta thei tu nu hi ci in akua in no hong son ziam?

Luke 6:45

Miphapa in, a thinsung ah a kholsa phatnate panin, thuphate pusua a; mihing pha ngawl pa in thusiate pusua hi. Banghang ziam cile thinsung ah a dimin a om bangin kam panin kison hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

Ephesus te 4:29

Kamsia pau heak vun, kammal manphate bek pau vun; kitaangsapna sungah a kizangh thei le hong sato thei kammalte pau vun, tua hile hong za po in, phattuamna nga tu hi.

Ephesus te 5:4

Kampauna sungah a kiihuai, a nin kammal le zummawk kammalte na zak tu uh zongh kilawm ngawl a, Pathian tungah lungdamkona kam na pau tu uh hizaw hi.

James 3:2

Ih vekpi in, sep khial ih nei bul hi. Ahihang mihing khat in, pau khialna a nei ngei buale ama sia a cialcing hi a, a pumpi bup zongh, a uk thei mi ahi hi.

1 John 3:10

Pathian ii tate le Doaimangpa tate kilaklaw ah, a kilamdanna in hisia ahi hi: thutangin a ngamta ngawl ahibuale ngual a it ngawl khat pawpo sia in Pathian ta ahi bua hi.

1 Samuel 24:13

Taanghkam teptee khat, ‘Siatna sia misiate bek in vawt hi’ a ci sia he ni hi. Tua ahikom nang sia bangma hong law ngawl tu khi hi.