Matthew 12:31 - Syin Chin Bible

³¹ Hi thu hangin kong ci in ah, mihingte mawna le kamsia paunate kimaisak thei hi; ahizong Thaa Thiangtho sonsiate kimaisak zo ngawl tu hi.

Matthew 12:31 Iomraidhean Croise

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Isaiah 55:7

Mi seksolte in amate ii nuntakna zia nusia tahen a, a ngaisutna zia kheal tahen. Topa ih Pathian kungah amate in zuan tahen; Topa in hong hesuak thei a, mawna hong maisak papai hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Thiampite 24:16

kithatlum tu hi, ci in Israel mite tungah na son tu hi. Israel te khat pawpo ahibuale Israel te sungah a teang ngamdangmi khat pawpo Topa a haamsiat sia taangpi bup in suang taw deanglum tu hi.

Luke 12:10

“Mihing Tapa langpanna kam khat a pau pawpo sia kimaisak thei hi; ahizong Thaa Thiangtho langpanna kamsia a pau khat pawpo kimaisak ngawl tu hi.

Sawltakte 7:51

Stephen in, “Note bangza in thinpui nu ziam! Bangza in note thin in Pathian he ngawl ziam? Pathian kammal na zaak ngawl natu in, bangza in nangong nu ziam! Na taanghpupite bang lian hi nu hi: note zongh in Thaa Thiangtho nalh tawntung nu hi!

Hebrew te 10:26

Banghang ziam cile thumaan hong kiheaksak zawkciang, mawna ih vawt kaltang lai le, mawna maisak natu, biakpiakna khat beak zongh om nawn ngawl hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 6:4

Banghang ziam cile a upna uh a nusia sate sia a kisii kik natu in, kikaizawn kik thei nawn na ziam? Amate sia khatvei lai in Pathian ii khuavak sungah om ngei zo uh hi. Amate sia vantung letsong tep ngei zo uh hi. Amate sia Thaa Thiangtho zongh a saang ngeisa ahi uh hi.

1 John 1:9

Ahihang ih mawnate Pathian tungah ih pualaak le ama in a kamciamte keam tu a, tuaciang a maan sia seam hi: ama in ih mawnate hong maisak tu a, ih ngamtat khialna theampo pan hong thiansua tu hi.

1 John 5:16

Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi.