Matthew 12:28 - Syin Chin Bible

²⁸ Hi ngawl hi. Doai nawkeak natu vaangletna hong pia sia Beelzebul hi ngawl a Pathian Thaa ahi hi. Tua ahikom hi thu mama in, Pathian Ngam sia note tungah hong theng zo hi,” ci in kitelsak hi.

Matthew 12:28 Iomraidhean Croise

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Matthew 12:29

“Kuama in mihing thahatpa inn sungah tumin, a neisa ol takin a laaksak thei bua hi, tua mihing a thahatpa sia a letheen cip phot kul hi. A letheen zawkciang bekma in, a inn kiphuul thei pheang tu hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Matthew 21:43

“Tua ahikom kong ci hi, Pathian Ngam sia no kung pan in, kila tu a, nga pha a piangsak mihingte tungah kipia tu hi.

Matthew 4:24

Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Mark 1:15

“A hun hong tung zo hi, Pathian Ngam hong nai zo hi. Na mawnate uh pan kisiik vun a, Lungdamna Thupha um vun!” ci hi.

Mark 11:10

Hong tung tu ih pa David Kumpipa ngam Pathian in thupha pia tahen, Hosanna, Pathian pok vun!” ci uh hi.

Mark 16:17

Thu umte nalamdang vawt thei natu vaang kipia tu hi; amate in keima min taw doaite a not tu uh hi; amate kam tumdangin pau tu uh hi;

Luke 10:11

‘Na khua leivui ka peang tungah hong baangte kong thin kik uh hi, ahizong Pathian Ngam, no taw kinai zo hi, ci phawk vun!’ ci tavun.

Luke 11:20

No ci bang hi ngawl hi. Pathian vaang taw doaite not ka hi zaw hi, tuaciang Pathian Ngam sia no sungah hong theng zo hi, ci in hi thu mama in lak hi.

Luke 16:16

Tuiphumpa John hun ciang dongin Moses ii thukhamte le kamsaangte lai atte in thu nei hi; tuasia pan kipan Pathian ngam Lungdamna Thupha kisonin mihing sim in, tuasung ah a tum zawk natu in hanciam tek uh hi.

Luke 9:2

Tua zawkciang Pathian Ngam thuhil tu le ciinate damsak tu in amate paisak hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Romete 14:17

Banghang ziam cile Pathian Ngam in neakna le dawnna thu hi ngawl a, Thaa Thiangtho ii piak thutang suana, thinnopna le lungdamna thu ahi hi.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.