Matthew 12:25 - Syin Chin Bible

²⁵ Jesus in amate khua ngaisutnate tel ahikom amate tungah, “Ngam khat pawpo pawl tuatuamin kikhen hen a, kidawdo le tua ngam a kip ngei buatu hi. Khuapi khat ahizong innkuan khat ahizong, pawl tuatuamin kikhenin, kihau siasua le a kitamhtham tu hi.

Matthew 12:25 Iomraidhean Croise

1 Kumpite 16:21

Israel mite sia kikhen hi: pawlkhat te in Ginath ii tapa Tibni kumpi suaksak nuam a, a dangte in Omri dei uh hi.

Psalm Late 139:2

Nangma in ka sep ka vawt theampo na he hi; ka ngaisutna theampo a khuala na panin na he hi.

Isaiah 9:21

Manasseh mihingte le Ephraim mihingte khat le khat kisim a, tuaciang amate in Judah sim khawm uh hi. Tuabangza ngawngawn zongin Topa thin uukna thaisak zo ngawlin; daan pia tu in a khut kivavaan lai hi.

Jeremiah 17:10

Keima, Topa in, mihingte ngaisutna ka kan a, a thinsung uh ka sittel hi. Ama nuntakzia le a sepzia taw kizui in khat sim tungah ka vawt hi,” ci hi.

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Matthew 9:4

Jesus in amate thinsung a ngaisut uhte he ahikom, “Banghangin tuabang thinsiatnate ngaisutin nei nu ziam?

Mark 2:8

Thakhatin Jesus in amate ngaisutna teng tel ahikom, “Banghang tuabangin ngaisun nu ziam?

John 21:17

A thum veina Jesus in, “John ii tapa Simon awng, kei nong it ziam?” ci hi. Peter sia Jesus ii, “Kei nong it ziam,” ci in thumvei dong a dok hu in, hee hi, tua ahikom ama munah, “Topa awng na theampo na he hi; nang kong it hunlam na he hi,” ci hi. Jesus in, ama munah “Ka tuute na keam in.

1 Corinth te 2:11

Mihing khat ii thu theampo sia ama sungah a om a thaa bekma in he hi; tuabang ma in Pathian thu theampo zongh, Pathian Thaa bekma in he hi.

Galatia te 5:15

Ahihang ngamsate bangin na ngamta uh a, khat le khat kisuu in na kiliamsak uh le, tuasia ciang kidawm tavun, tua ahibuale khat le khat kilalcipsak tu nu hi.

Hebrew te 4:13

Pathian mai ah bangma a kiseal thei bua hi; bitphua sa na theampo sia ama mai ah kipualaak siat hi. Tuaciangin ih sep ih vawt sa theampo tungah thu hong sit tu sia ama ahi hi.

Thupualaakna 16:19

Khuapi lian sia khen thum in hong kiphaltham uh a, tuaciangin ngam theampo a khuapite sia kilalsak siat hi. Pathian in Babylon khuapi sia phawkin a thin uuk thangsiatna sapittui sia — ama ii hai panin dawnsak hi.

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.