Matthew 12:15 - Syin Chin Bible

¹⁵ Jesus in ama a kithasawmna thu a zaak ciangin, tua mun panin ama mundang zuan a, mihon tam mama in zui uh hi. Ama in ciina theampo damsak hi.

Matthew 12:15 Iomraidhean Croise

Matthew 10:23

Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

Matthew 19:2

Mihonpi in zui a, tua munah amate damsak hi.

Mark 6:56

Jesus paina po khuapi, khuano le lo sung a om mihingte in ciinate vanhzuakna phual ah paipui uh a, a puanmong beak a tham tek thei natu in, ama tungah ngen uh hi, tuaciang a thamte theampo dam uh hi.

Luke 5:22

Jesus in amate ii ngaisutna teng he ahikom hi bangin ci hi. “Banghangin tuabangin ngaisun nu ziam?

Luke 6:12

Tua hun laitakin Jesus, mual tungah kaato in, zankhuateak Pathian tungah thungen hi.

Luke 9:11

Mihonte in tua thu a zaak uh ciangin, ama zui uh hi. Ama in tua mite pha takin saang a, Pathian Ngam thuhil in, a kisamh te damsak hi.

John 11:54

Tua ahikom Jesus, Judea ngam ah a kilangh takin, khualhaw nawn ngawl hi, ahihang tua mun nusia a, sennealngam nai Ephraim a kici khua khat ah pai in, a nungzuite taw taam hi.

John 7:1

Tua zawkciang, Galilee ngam sungah Jesus khualhaw hi; ama in Judea ngam sungah khualhaw nuam ngawl hi, banghang ziam cile, tuasung a om Jew thuneite in ama thatlum nuam uh hi.

John 9:4

Sun hun laiteng in kei hong sawlpa na ih sep kul tu hi; kuama ii na a sep thei ngawl zan hun hong theng tu hi.

Galatia te 6:9

Tua ahikom na pha sepna sungah toi kisa bua tawng; banghang ziam cile thinkiam in tawp bua po leang ih anlaak tu hun hong theng tu hi.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.