Matthew 12:10 - Syin Chin Bible

¹⁰ Tua munah pasal khat sia khut langkhat zaw in om hi. Mihing pawlkhat in, Jesus ii ngamtat khialna encik in, a maw natu zong nuam ahikom hi bangin dongh uh hi, “Sabbath ni in ciina damsak tu sia ih thukham taw kileebul ziam?” ci uh hi.

Matthew 12:10 Iomraidhean Croise

Isaiah 32:6

Mihing mawmaw khat in mawmawt kam veu pau in, a sia vawt tu vive ngaisun hi. A nasep le a kampau in Topa selnona vive hi a, ama in ngilkial dangtaakte an le tui pia ngeingawl hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Zechariah 11:17

Tua a mannung ngawl tuucingpa a lal hi zo hi! Ama in a tuuhonte nusia zo hi. Ama thahatna sia ngalte in lalcipsak tu hi. A baan ngawtaak tu a, a mit ziatsang taw tu hi,” hong ci hi.

Matthew 12:2

Pharisee te in hi bang a ngamtat uh a mu ciangin Jesus munah, “En in, Sabbath ni in na nungzuite hi bangin a ngamtat sia ih thukham taw kileebul hi,” ci hi.

Matthew 19:3

Pharisee te pawlkhat in, ama aitaa nuam ahikom hi bangin dongh uh hi. “Pasal khat in a zi sia bang thu po taw ahizong a khul nuam le khul thei hi ci thu, ih thukham in a oai ziam?” ci uh hi.

Mark 3:2

Jesus ngamtat khial tu a encik mihing pawlkhat tua munah om ahikom Sabbath ni in, Jesus in ciina damsak ziam, a damsak bua ziam, ci in encik nginge uh hi.

Luke 11:54

a kampau khialna khat po taw a mat thei natu, aitaa tu in hanciam uh hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

Luke 20:22

Tua ahile ei thukham in Rome Kumpilianpa tungah shia piak tu khaam ziam maw khaam ngawl ziam hong son ta'n,” ci hi.

Luke 23:14

“Hisia pa in, mihingte lampui khial hi, ci in nong paipui uh hi. Tu in noma mai ah thu ka sit ciangin na mawsak nop uh mawnate khat zongh ama in vawt ngawl hi, ci in ka mu hi.

Luke 23:2

tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

John 5:10

Tua ahikom Jew thuneite in a kidamsakpa munah, “Tuni Sabbath ni hi, na phah na puak tu sia ih thukham taw kisi ngawl hi,” ci uh hi.

John 5:3

Mittaw, peangbai, pumzaw ciina honpui khat sia, tua talaapte sungah lum uh hi.

John 7:23

Patang khat Sabbath ni in vunteap na atsak uh ciangin, Moses Thukham paltan kisa ngawl na hi uh le, Sabbath ni in mihing khat ka dam thiangthosak hu in, banghangin kei tungah thin uuk nu ziam?

John 8:6

Amate in hi bangin a ci uh sia Jesus a mawsiat thei natu in a aitaana hi. Ahihang ama kunin, a khutme taw lei ah lai at hi.

John 9:16

Phariseete pawlkhat in, “Hi bang a vawt, mihing in, Pathian kung pan hi thei ngawl tu hi, banghang ziam cile ama in Sabbath Thukham ni ngawl hi,” ci uh hi. Ahizong a dangte in, “Bangbangin mawnei mi khat in, hi bang nalamdang laknate vawt thei tu ziam,” ci uh hi. Tuaciangin amate sungah pawl kikhenna khat hong om hi.