Matthew 11:8 - Syin Chin Bible

⁸ A bangbel mu nuamin kuan nu ziam? Puansilh hoi nawno a silh pasal khat mu nuam na hi uh ziam? Mihing tuabang a, a kizeamte kumpite teenna innpite huang sungah teang bek hi!

Matthew 11:8 Iomraidhean Croise

2 Kumpite 1:8

“Ama in nganhing phaw taw a kivawt puantual khat silh a, tuaciang savun kawngkhau taw sawm hi,” ci in amate in zo hi. “Ama Elijah hi!” kumpi pa in ci hi.

Isaiah 20:2

Tua hun ma kum thum lai in Topa in Amoz ii tapa Isaiah tungah a silh khau-ip puan le a peangdapte suut tu in sawl hi. Ama in thu ni in a pumnguak le a peangnguakin vak kawkoai hi.

Zechariah 13:4

Tua hun hong thet ciang kamsaang kuama in a mukholna hu in kiphasak ngawl tu a, kamsaang khat bangin ngamta ngawlin, kamsaangte puan hampuite ngualtheam natu in silh ngawl tu hi.

Matthew 11:7

John nungzuite a cia kik laitakin, Jesus in John ii thu teng mihonte tungah son hi: “Sennealngam sungah om John kungah na pai uh ciang, bang teng mu tu in kimuangmaw nu ziam? Vui ii a kuaikhum lopate khat po ziam?

Matthew 11:9

Hong son tavun; bang mu tu in pai nu ziam? Kamsaang khat ahi ziam? Hi tatak hi, na mu uh sia kamsaang thawthong bek hi ngawl hi.

Matthew 3:4

John ii puansilh sia kalaoh mul taw kitak a, ama in savun kawngkhau thua in, ama an sia khaumaw le ngam khuaitui ahi hi.

Luke 7:25

Bang en tu in pusuak nu ziam? Puan hoi nawno silh pasal khat ziam? Tuabang a kizeam a, a nuamin a nungtate sia kumpi teenna innte bek ah om hi!

1 Corinth te 4:11

Hi hun dong mama in kote ngilkial dangtaak in ka om uh hi; puansia ngapkaai ka sil uh a; kote hong kisaat hi; mun khat pan mun khat ah ka vak kawkoai uh hi;

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

Thuhil kikna 28:54

Nampi suan miphabel pa ngawngawn zongh ngalte ii hong uumci laitak cimaw mama tu a, neak tu dang om ngawl ahikom a tate pawlkhat ii sa ne tu hi. Ama in a tate sa sia a suapuipa, a it a zi, a taanglai a tate khat zongh hawm ngawl tu hi.

Thupualaakna 11:3

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.