Matthew 11:7 - Syin Chin Bible

⁷ John nungzuite a cia kik laitakin, Jesus in John ii thu teng mihonte tungah son hi: “Sennealngam sungah om John kungah na pai uh ciang, bang teng mu tu in kimuangmaw nu ziam? Vui ii a kuaikhum lopate khat po ziam?

Matthew 11:7 Iomraidhean Croise

Pianciilna 49:4

Nang in tuipawm khat taw na kibang a, Ahizong a thupibel na hi buatu hi, Banghang ziam cile ka zino na luppui a, na pa ii lupna na paksak hi.

Matthew 11:8

A bangbel mu nuamin kuan nu ziam? Puansilh hoi nawno a silh pasal khat mu nuam na hi uh ziam? Mihing tuabang a, a kizeamte kumpite teenna innpite huang sungah teang bek hi!

Matthew 12:20

Ama in a kikuaikhum sa pumpa a thiaktan buatu a, a mit dek tak meiinn zongh a mit buatu hi. Ama in thutang khenna ii zawna a ngasak dong hanciam tu hi.

Matthew 21:25

“John ii baptize piak theina thu sia, koisung pan hong pai ziam? Pathian tung pan ziam maw mihing tung pan ziam?” ci hi. Amate teng kinial uh a, “Bangbang ci tu hi ziam? ‘Pathian tung pan ci tu hi leang, tua ahile banghangin John sia um ngawl nu ziam?’ hong ci tu hi.

Matthew 3:5

Mihingte in Jerusalem pan, Judea ngamkhen bup le Jordan ngunhui ngam theampo panin hong pai uh hi.

Luke 8:18

“Tua ahiciang na thu zaak uhte kidawm tavun; banghang ziam cile a neite tungah tamzaw kipia tu a, a nei ngawlte tung panin, nei a kisak tawmnote ngawngawn zongh kilaaksak tu hi,” ci hi.

John 1:38

Jesus kiheak a, amate in a nung a zui a mu ciang, “Bang zong nu ziam?” ci in dongh hi. Amate in, “Koisung a teang ni ziam, Rabbi awng,” (“Syapa” a cinopna) ci in dongh uh hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

Ephesus te 4:14

Tuaciangin phuatawm thimthel pilna taw ngualtheam a, a thuhilna uh taw ngual a lampialsak thei te hu in vuivak kikheal pawpo le tui kihual pawpo ii a paipui patangte na hi nawn buatu uh hi.

James 1:6

Ahihang thu na nget uh ciangin, na up tu kul a, up laakna na nei ngawl het tu uh kisamh hi. Up laakna a nei khat pawpo sia, tuipi tungah vui ii seam kawkoai tuihual taw kibang hi.