Matthew 11:6 - Syin Chin Bible

⁶ Kei tungtaang ah a lungmang ngawlte bangza in lungdam ziam!” ci hi.

Matthew 11:6 Iomraidhean Croise

Psalm Late 119:1

Topa thukham bangin nungta a, a nuntakna a sit baang ngawlte in mihing lungdamte ahi hi.

Matthew 13:21

Ahihang a thu in amate sungah a thuk in tum ngawl a, khuangei khom ngawl uh hi. Tua ahikom haksatna le vawtsiatna hong pai ciangin amate puk uh hi.

Matthew 18:7

Mihingte upna a lalsak thei nate om ahikom, hi leitung atu bangza in kiitakhuai ziam? Tuabangte sia hong piang tawntung tu hi, ahihang tuabang a piangsakte atu in, bangza in lauhuai ziam?

Matthew 24:10

Mihing tam mama in tua hun ciangin, a upna uh nusia tu hi; amate khat le khat kileeheak tu a, khat le khat kingaimaw tu hi.

Matthew 26:31

Tuaciangin Jesus in amate munah, “Zan ciang tatak ma in no na vekpi in taikeak in kei hong nusia siat tu nu hi, banghang ziam cile laithiangtho in, ‘Pathian in tuucingpa thatlum tu a, tuute sia kithethaang tu hi,’ ci hi.

Matthew 5:29

Tua ahikom na mit ziatsang in hong mawsak le khelkeak in vawk in! hell sungah na pumpi bup in na pai sangin, pumpi cing ngawlin, om lete phazaw hi.

Mark 6:3

Ama Mary tapa James, Joseph, Judas le Simon ii suapui lettamapa hi ngawl ziam? A suapuinumeite zongh hi sung ma ah teang siat hi ka na ngawl ziam?” ci uh hi. Tua bangin ama a saang zo bua uh hi.

Luke 2:34

Simeon in amate thupha a piak zawkciangin, a nu Mary tungah hi bangin ci hi, “Hi patang sia Israel mite, tam mama ii a siatcip natu le, tam mama ii a kingup natu Pathian ii tealsa ahi hi. Ama sia mihing tam mama ii a langpan tu, Pathian ii lim lakna khat hi tu a,

Luke 7:23

Kei hong muangla ngawlte bangza in a lungdamte ahi uh ziam!” ci in zo kik hi.

John 16:1

“Na upna uh na thasua ngawl natu in, hi teng hong son khi hi.

John 6:66

Hisia hangin, Jesus ii nung a zuite tam mama heak kik uh a, ama taw tonkhawm nawn ngawl hi.

1 Corinth te 2:14

Tua Thaa a nei ngawl peuma in, Pathian Thaa kung pan hong pai thute a saang thei bua hi. Tuabang mihing khat in tua thute tel tatak ngawl hi; ama atu in tuate luithawthong thu ahi hi, banghang ziam cile thaa bulphuna taw bekin a man neina kikhentel thei ahihang hi.

Galatia te 5:11

Ahihang kei ka hile, ka suapuite awng, vunteap at kul hi ci in thu hil lai ka hile banghangin hong kivawtsia lai ziam? Tua sia in thumaan hi thongle Christ ii thinglamtee thu ka hilna in bangma ngimna a piangsak buatu hi.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.