Matthew 11:5 - Syin Chin Bible

⁵ mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 11:5 Iomraidhean Croise

2 Kumpite 5:14

Tua ahikom Jordan ngun ah Naaman paisuk in, Elisha ii ci bangin ngun tui sungah ama le ama salivei kipap a, tuaciang ama dam thiang sitset hi. Ama ii sa sia hong ciip in a ciidam a, nauno khat ii cii le sa bang ahi hi.

2 Kumpite 5:7

Israel kumpipa in tua laithak a sim ciangin, thinkiamna taw a puante eaukeak in, “Bangbangin Syria kumpipa in hisia pa damsak thei tu in kei hong um ziam? Nuntakna le thina tungah vaang a nei Pathian vei hong sa ziam? Ama kei taw kihau nuam in hanciam ahi hunlam kician hi!” ci in au hi.

Psalm Late 146:8

mittawte khua musak hi. Ama in a puk sate phongto hi; a thutang ama mite it hi.

Psalm Late 22:26

Mizawngte in a du zaza ne tu uh a, Topa kung a zuan peuma in ama a pok tu uh hi. Amate in a tawntungin nuamsa tahen!

Pusuana 4:11

Topa in Moses tungah, “Mihingte ii kam le muk akua in pia ziam? Akua in nangong le kampau thei ngawlin vawt ziam? Akua in khua musak a, akua in mittawsak ziam? Tua in Topa Keima ka hi hi.

Isaiah 29:18

Tua ni ciang, nangongte in laibu a ngingin a kisim sia za thei tu a, khuazing sungah a om mittawte in, a mit uh hakin khuamu tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 43:8

Pathian in, “Ka mite zum ah sam vun. Amate in mittang nei hi napi, a mit uh taw hi; amate in bil nei hi napi, a nangong uh hi!

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Zechariah 11:7

Tuu a lei, a zuakte in kei hong cial a, kei sia a kingo tu tuute a cingpa ka suak hi. Ciangkang nii ka la a: khat sia “Maipha piakna” ka ci a, a dang khat sia ‘Kilomkhatna’ ka ci hi. Tuaciang tuuhonte ka cing hi.

Matthew 10:8

Ciinate na damsak vun a, mithite na nungtasak kik vun, a lauhuai vun natna veite damsak vun a, doaite not vun. A thongin na saan uh bangma, man la ngawlin pia tavun.

Matthew 11:4

Jesus in, “Heak kik tavun a, John munah na mu na zaak uh teng son kik tavun:

Matthew 12:13

Tua zawkciang a khutzawpa ii munah, “Na khut vaan in,” ci hi. Ama in a khut vaan a, a khut langkhat sang bangma in, a khut dam thiang hi.

Matthew 21:14

Mittaw le peangbai te Biakinn sung ama kungah hong pai uh a, amate damsak hi.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 9:30

Tuasia ciangin amate in khuamu thei uh hi. Jesus in, “Hi thu kuama tungah son heak vun,” ci in nasia takin khaam hi.

Mark 7:37

A za theampo in lamdang sa mama uh hi. “Na theampo bangza in vawt thiam ziam! Ama in nangongte ngawngawn khua zasak thei a, a pau thei ngawlte dongin pausak thei hi,” ci uh hi.

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

John 10:25

Jesus in “Hong son zo khi hi, ahihang kei hong um nuam ngawl nu hi. Ka Pa thuneina taw ka septe in keima luangin pau hi;

John 10:38

Ahihang tuate ma ka seam nale, Pa sia kei sungah om a, kei sia Pa sungah om ka hina thu na up thei natu in, kei nong um bua uh zong, ka septe beak na up tu uh ahi hi,” ci in zo hi.

John 2:23

Paisan Poai sungin Jerusalem ah Jesus a om laitakin, ama ii nalamdang laknate a mu uh hu in, mihing tam mamate in ama um uh hi.

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.

John 5:36

Ahihang John ii tetti panna sangin, a lianzaw kei taang a ding tu tetti khat ka nei hi: Pa ii sep tu hong piakte ka sepna po in kei taangin a pau hi a, kei sia Pa hong sawl ahi hunlam lak hi.

John 9:7

tuaciang, “Va pai ta'n a, Siloam Tuicing ah na mai phiat ta'n,” ci hi. (Siloam cisia “Kisawl” a cinopna hi). Tua ahikom mittawpa pai in, a mai a phia zawkciang, khuamu thei sa in hong heak kik hi.

Sawltakte 2:22

“Hi kammalte ngai vun. Israel mipuite awng! Nazareth mi Jesus sia Pathian in ama tungtawnin a vawt nalamdang laknate le a lamdangte theampo hu in Pathian piak thunei pa tatak ahi hunlam kilangh hi. Noma mama in zongh, hi thu he nu hi, banghang ziam cile hi mun note sungah hi thu piang hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.