Matthew 11:3 - Syin Chin Bible

³ Amate in Jesus tungah, “Hong son ta'n, John ii ‘Hong pai lai tu hi,’ a ci sia nangma ni ziam maw, ngualdang khat muangmaw lai tu khu ziam?” ci in dongh hi.

Matthew 11:3 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 118:26

Topa min taw hong pai pa, Pathian in thupha pia tahen! Topa Biakinn panin nang thupha kong pia uh hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Haggai 2:7

Minam theampo ka lawnthal tu a, amate sumngum theampo hi lai ah hong kipuak tu hi, tuaciang Biakinnpi in hauna taw kidim tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Mi Simna 24:17

Maisang hun tu ka en a, Israel minam ka mu hi. Tua minam sungah, Aksi taang taw kibang kumpi khat piang tu hi. Thazau bangin Israel sungah ama hong khang tu hi. Ama in Moab lampuite saat tu a, Seth mite theampo saatvawk tu hi.

Matthew 11:10

Banghang ziam cile John sia laithiangtho ii: ‘Pathian in, ka kamtaipa na mai ah na lampi hong honsak khol tu in ka paisak tu hi,’ a ci sia pa hi.

Matthew 11:4

Jesus in, “Heak kik tavun a, John munah na mu na zaak uh teng son kik tavun:

Matthew 21:5

“Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Mark 11:9

A mai ah a paite le a nung pan a zuite in, hi bangin au uh hi, “Hosanna, Pathian pok vun. Topa Pathian min taw hong pai pa sia Pathian in thupha pia tahen!

Luke 19:38

“Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

John 11:27

Ama in, “Um khi hi, Topa awng! Leitung ah hong pai tu, Pathian Tapa Messiah na hi sia hong um khi hi,” ci in zo hi.

John 12:13

Tua ahikom amate in palm thingbaakte la in, ama muak tu in pai uh a, “Pathian pok vun! Topa min taw hong paipa, Pathian in thupha pia tahen! Pathian in Israel Kumpipa thupha pia tahen!” ci in au uh hi.

John 16:14

Ama in kei minthanna hong pia tu hi, banghang ziam cile ka sonte la tu a, tua teng note tungah hong son tu hi.

John 4:21

Jesus in ama munah, “Hong um ta'n, numei awng, Pa sia hi mual tungah ahizong, Jerusalem ah ahizong mihingte ii biak ngawl tu hun hong tung tu hi.

John 6:14

Hi nalamdang lakna Jesus ii vawt a mu uh ciangin, tua munah a om mihingte in, “Hi sia leitung a hong pai tu Kamsaangpa hi takpi hi!” ci uh hi.

John 7:31

Ahihang mihon sung pan, mihing tam mama in ama um a, “Messiah hong pai ciang, ama in hisia pa ii vawtte sangin a tamzaw nalamdang laknate, a vawt tu ziam,” ci uh hi.

Hebrew te 10:37

Banghang ziam cile laithiangtho in, “Tawmvei zawkciang, hong pai tu pa hong pai tu hi; ama haisaang ngawl tu hi.