Matthew 11:28 - Syin Chin Bible

²⁸ “Vanhngit pua in, a toite theampo awng, kei kungah hong pai tavun, tawlngakna kong pia tu hi.

Matthew 11:28 Iomraidhean Croise

Job 14:1

Eite theampo sia a thaneam a cimaw sa in ih piang hi. A vekpi in khantom nuntak haksatna le ngimnate a kibang in kidim hi.

Job 5:7

A hi ngawl tatak ma hi! Mihing in ama le ama ngim kipia a, mei eakte mei sung pan a peakto bang tatak ahi hi.

Psalm Late 116:7

Ka lungtang awng, kimuang in, banghang ziam cile Topa in kei tungah pha hi.

Psalm Late 32:4

Topa awng, sun taw zan taw daan nong pia hi, khaal nisa ii tuikhu a kosak bangin ka thazawm dikdek hi.

Psalm Late 38:4

Ka mawna namthuam sungah tui ka ta zo hi; tuate kei puak tu in ngit leih hi.

Psalm Late 94:13

Mihing seksolte mat natu in vuum a kitaw dong nangma in ama sia ngimna hunte pan na ommuangsak hi.

Thuhilsya 1:14

Hi leitung ah a kiseam theampo ka mu zo a, a luithawthong vive hi ci in kong son hi. Tuasia in vuiva delkot taw kibang hi.

Thuhilsya 1:8

Na theampo in hong thinngimsak a, thinngimna sia kam taw son zawk hi ngawl hi. Ih mittang in a mu cim thei ngawl a, bil in a zaak cim ngeingawl hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 28:12

Topa in note theampo tungah tawlngakna le noptuamna hong pia napi ama thu na ngai nuam bua uh hi.

Isaiah 61:3

Zion ah a om a khuangai mite tungah Heena luangin thinnopna le lungdamna, khuangaina luangin pokna la khat puak tu in kei hong paisak hi. Amate sia Topa mama ii suan sa Thingkungte taw kibang tu hi. Amate theampo in a maan sia seam tu uh a, Pathian sia ama ii sepnate hu in kipok tu hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Jeremiah 31:25

A ngim a toi mihingte thathak ka nguan tu a, ngilkial in, a tha zawmte theampo an ka vaak tu hi.

Jeremiah 35:16

Jonadab ii tu le tate in a taanghpupite ii thupiakna mang uh hi, ahihang note in ka thu nong ni bua uh hi.

Jeremiah 6:16

Topa in a mite tungah, “Lamkaa bom ah dingin khuadak vun. Taangh lampite le a phabel lam sia koisung ziam ci in dongh vun. Tuasia tawn vun, tua hile thinnuamin na om tu uh hi,” ci hi. Ahihang amate in, “Hi ngawl hi, ko tawn ngawl tu khu hi!” ci hi.

Matthew 11:29

Ka hakkol la in kisuanh vun, kei tung pan hong kisin tavun, banghang ziam cile keima in cingh in a kiniamkhiak pa ka hi hi; tua ahikom toithaina na nga tu uh hi.

Matthew 23:4

Mihingte ii nungzaang ah vanhngit a puak hakte sia tua mite ma ii sot to ahi hi, ahihang amate in tua vanhngitte puakpui tu in, a khutme dawn zongh a tung nuam bua uh hi.

John 6:37

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi,

John 7:37

A thupibel ni poai khaam tawp ni in, Jesus dingto in awnging tak taw, “A kuama po a dangkote kei kungah hong pai in tui dawn tahen.

Sawltakte 15:10

Tua ahile eite ih hizong, taanghpupite ahizong, a puak zawk ngawl vanhte thu umte nungzaang ah suanhin, banghang tu in Pathian ze et sawm nu ziam?

Sawltakte 20:35

Topa Jesus mama in, ‘Saanna sangin piakna in lungdamna tamzaw hi’, a ci thu phawk kawmin, hi bangin nasia tak na sepna taw na theampo ah, a thazawmte ih hu nanak tu hi, ci in no tungah kong lak zo hi,” ci hi.

Galatia te 5:1

Suatakna sia ei neisa hi — Christ in hong suaktasak zo hi! Tua ahikom a suakta mihingte bangin, ding vun a, sila na suak kik nuam heak vun.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

Hebrew te 4:1

Tu in Pathian in, ama sonsa tawlngak nuam sia ih nga thei natu in kamciam hong pia hi. Tua ahiciang, tua tawlngak nuam sia saang ngawlin khat zongh ih om thaak ngawl natu eite kidawm tek tawng.

Thupualaakna 22:17

Thaa le a Mothak in, “Hong pai ta'n!” hong ci hi. A zate theampo zongh in, “Hong pai ta'n!” ci si hen. A dangko theampo hong pai tavun; nuntakna tui a dei peuma in, tua nuntakna tui letsong in saang tavun.