Matthew 11:14 - Syin Chin Bible

¹⁴ tuaciang amate thuhilte na um nuam uh le John sia Elijah hi a, hong pai tu a kisonkhol sa sia ahi hi.

Matthew 11:14 Iomraidhean Croise

Ezekiel 2:5

Tua tualngalte in nang thu hong ngai zong hong ngai bua zong, amate sungah kamsaang khat om ci sia he tu uh hi.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 11:13

John khang dong ma in, kamsaang theampo le Moses thukhamte in, Kumpingam thu huvau son uh hi;

Luke 1:17

Ama in kamsaangpa Elijah bangin, vaangletna le thahatna taw Topa mai ah paikhol tu hi. Ama in pate le tate hong ngawmtua kik tu hi, thu ni ngawl mihingte thutang ngaisut theina sungah hong kiheisak kik tu a, Topa atu a kivawt khol mihingte a pian natu in seam tu hi.”

John 16:12

“Thu son tu tam ma ka nei lai hi, ahihang tu laitak ahile note thuciin tu in tam lei tu hi.

1 Corinth te 3:2

No sia noaitui bek taw kong vaak a, antak kong pia bua hi, banghang ziam cile antak ne thei tu na hi bualai uh hi. Tu ma zonghin antak a ne thei tu hi ngawl lai nu hi,

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.