Matthew 11:12 - Syin Chin Bible

¹² John ii thuhil a kipat pan tuni dong tatak ma Vantung ngam in nasia takin zawthawk thu taw sutolna thuak hi, a ngoltol mihingte in laak tu in hanciam uh hi.

Matthew 11:12 Iomraidhean Croise

Matthew 11:11

A tatak ka ci ciangin tuiphumpa John sia a piang ngei mihing khat pawpo sangin lianzaw hi. Ahihang Vantung ngam sungah a om a nobel khat sia John sangin lianzaw hi.

Matthew 11:13

John khang dong ma in, kamsaang theampo le Moses thukhamte in, Kumpingam thu huvau son uh hi;

Matthew 3:15

Ahihang Jesus in zo kik a “Pathian ii deina theampo a kicin natu in, tu in hong seam ta'n,” ci hi. Tuaciang John zongh thukim hi.

Luke 13:24

“Kongkha ciakna sungah na tum thei natu in, hanciam vun; banghang ziam cile mihing tam mamate in tum tu in hanciam tu a, a tum zo buatu uh hi.

Luke 16:16

Tuiphumpa John hun ciang dongin Moses ii thukhamte le kamsaangte lai atte in thu nei hi; tuasia pan kipan Pathian ngam Lungdamna Thupha kisonin mihing sim in, tuasung ah a tum zawk natu in hanciam tek uh hi.

John 5:4

Amate in tui a kilok tu ngak uh hi, banghang ziam cile tu le tu in Topa ii vantunglalang khat in tua tui sungah tuaksuk a, tui sau hi. Tui kinok laitak a tuaksuk phit cina sia in, bang natna po a vei zong dam thiang hi.

John 6:27

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

Philippi te 2:12

Tua ahikom ka itte awng, no kungah kong om lai in ka thu nong nit tawntung uh bangma in, no taw kong omkhop ngawl ciang ngawngawn in, ka thu nong nit tu uh sia thupi zaw lai hi. Na ngupna a cingtaak natu in launa le liinna taw na seam tan tavun,