Matthew 11:11 - Syin Chin Bible

¹¹ A tatak ka ci ciangin tuiphumpa John sia a piang ngei mihing khat pawpo sangin lianzaw hi. Ahihang Vantung ngam sungah a om a nobel khat sia John sangin lianzaw hi.

Matthew 11:11 Iomraidhean Croise

Job 14:1

Eite theampo sia a thaneam a cimaw sa in ih piang hi. A vekpi in khantom nuntak haksatna le ngimnate a kibang in kidim hi.

Job 14:4

Mihing bang a thiang ngawl na khat pawpo sung pan a thiangtho na piang thei ngeingawl hi.

Job 15:14

Mihing khat pawpo sia thiangtho takpi thei tu ziam? Mihing khat pawpo sia Pathian muna ah maan thei tu ziam?

Job 25:4

Pathian muna ah a thutang ahibuale a thiang, akua om tu ziam?

Psalm Late 51:5

Ka pian ni pan ma in a sia ka hi hi; ka nu ngil sungah ka om lai pan ma in mimaw ka hi zo hi.

Isaiah 30:26

Tha in nitaan za ma in taang tu a, ni in a taan ngeina sangin a zaa salivei in taang zaw tu hi, ni sali sung nitaanna bup sia ni khat a kingawm taw kibang tu hi. Topa in a mihingte tungah a thuaksak liammate tuamsakin a damsak ciangin hi thu theampo hong piang tu hi.

Zechariah 12:8

Tua hun ciang Topa in Jerusalem a teangte dal tu a, amate sungah a thazawm belte ngawngawn David bangin hat tu uh hi. David suan le paalte in Topa ii vantunglalang bang ahizong Pathian mama bang ahizong amate lampui tu uh hi.

Matthew 11:10

Banghang ziam cile John sia laithiangtho ii: ‘Pathian in, ka kamtaipa na mai ah na lampi hong honsak khol tu in ka paisak tu hi,’ a ci sia pa hi.

Matthew 11:12

John ii thuhil a kipat pan tuni dong tatak ma Vantung ngam in nasia takin zawthawk thu taw sutolna thuak hi, a ngoltol mihingte in laak tu in hanciam uh hi.

Matthew 3:1

Tua hun laitakin Tuiphumpa John sia Judea sennealngam ah hong pai a, thuhil kipan hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 5:19

Tua ahikom, a kuama po thupiakte sung pan a nobel khat ni ngawlin midang zongh tuabangin a nit ngawl natu a hil sia in Vantung ngam sungah a nobel hi tu hi. Tuaciangin a kuama po ahizong thukham ni a, midangte zongh tuabangin a nit natu a hil sia Vantung ngam sungah lian tu hi.

Luke 1:15

Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.

Luke 7:28

Jesus in, “A tatakin ka ci ciang John sia mihing a, a minpiang khat pawpo sangin, lianzaw hi. Ahihang Pathian Ngam sungah a nobel pa in, John sangin lianzaw hi,” ci in belap hi.

Luke 9:48

“Mihing khat pawpo in, hi patangno sia ka min taw a saang le keima hong saang ahi hi; tuaciang kei hong saang sia in kei hong sawlpa saang ahi hi. Banghang ziam cile, no sungah a nobel sia in, a lianbel ahi hi,” ci hi.

John 1:15

John in ama huvau son hi. Ama in, “Hisia pa sia a thu ka sawson pa hi a, ‘Kei nung pan hong pai hi, ahihang kei sangin lianzaw hi, banghang ziam cile kei ii pian ma in ama om zo hi,’ ka ci sia ahi hi,” ci in au hi.

John 1:27

Ama sia kei nung panin hong pai ahihang ama peangdap suut tu zong ka kilawm bua hi,” ci in John in zo hi.

John 10:41

Mihing tam mama ama kungah hong pai uh hi. Amate in, “John in nalamdang laknate vawt ngawl hi. Ahihang hisia pa thu ama son theampo maan hi,” ci uh hi.

John 3:30

Ama hong thupi vaial tu a, kei sia thupi ngawl vaial tu khi hi,” ci in zo hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

John 7:39

Jesus in hi bang a pau sia ama a umte ii saan tu Thaa thu son ahi hi. Tua hun laitakin Thaa kipia ngawl lai hi, banghang ziam cile minthanna sungah Jesus kithosak ngawl lai hi.

1 Corinth te 15:9

Banghang ziam cile keima in sawltak sung panin a nobel ka hi a — sawltak khat ci in minpu tu zong ka kilawm bua hi, banghang ziam cile Pathian ii pawlpi ka vawtsia ngei hi.

1 Corinth te 6:4

Tuabang thute hong piang le, pawlpi sungah dinmun a nei ngawl mihingte ii thukhen tu in paipui tu nu ziam?

Ephesus te 2:3

A tatakin eite zongh, amate bang ih hi ngei a, ih pianpui lungngulnate taw ih nungta zo hi, ih pumpi le ih thinsung taw a kisi bangin ih seam ih vawt hi. Ih pianlim in ngualdang bangma in, Pathian thin uukna thuak tu in, a kiciangtan sa ih hi hi.

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

2 Timothy 1:10

ahihang tu in ih Hunpa Christ Jesus hong paina tungtawnin tua thu hong kilak hi. Ama in thina vaangletna bosak zo a, tuabangin lungdamna thu tungtawnin thimawk nuntakna hong lak zo hi.

Hebrew te 11:40

banghang ziam cile Pathian in ei atu a phazaw tupna, hong neisak hi. Ama ii tupna sia, eite taw ih kitholkhop ciang bekin a kicialcingsak pheang tu ahi hi.

1 Peter 1:10

Kamsaangte ii pha tak a zon le a kat sia hi ngupna thu hi a, Pathian ii no tung hong piak tu hi letsong huvau amate in sonkhol zo hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.