Matthew 10:41 - Syin Chin Bible

⁴¹ A kuama po in mihing khat sia Pathian thupha puak a hina taw a saang le Pathian thupha puakte ii thaman kihawm tu hi. A kuama po in mihing khat sia mihing pha a hina taw a saang le mihing phate ii thaman ma kihawm tu hi.

Matthew 10:41 Iomraidhean Croise

Pianciilna 20:7

Ahihang tu in, numeinu sia a pasal aap kik in. A pasal sia kamsaang khat hi a, na thi ngawl natu in thu hong ngetsak tu hi. A zi na pia kik bua ahile nangma a kipan na mite theampo na thi siat natu thu kong telkholsak hi,” ci in zo kik hi.

Isaiah 3:10

Thumaan thutang mihingte lungdam tu uh a, amate atu in a pha hong piang tu hi. Amate a sepna bang zui in nuamsa thei tu uh hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 25:44

“Tuasia ciang amate in, ‘Topa, ngilkial dangtaak a, khualmi in, puansilh sel a ciina le na thongtaak, bang hun hong mu ngei a, hong hu ngawl kana khu ziam?’ ci in zo tu uh hi.

Matthew 25:45

Kumpipa in, ‘Kei kong cina pan, hi lai ah mihing thupi ngawlbelte khat na hu nop ngawl uh ciang, keima hong hu nuam ngawl na hi uh hi.’

Matthew 6:1

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 6:18

tua hi le na antan uh hunlam ngualdang in hong he tuan ngawlin, a kimu ngawl na Pa bek in hong he tu hi. Tuaciang, nangma bek heak a na ngamtat sia na Pa in, hong mu tu a, thaman hong pia tu hi.

Matthew 6:4

Tuasia ciangin kuama in hong heakpui ngawl tu hi. Tuaciang a kilangh ngawl a, na nasep hong mu, na Pa in thaman hong pia tu hi.

Matthew 6:6

Ahihang no thu na nget uh ciangin, inndoi sungah tumin, inn na kha zawk uh ciang, a kimu thei ngawl, na Pa tungah thungen tavun. Tua hile noma ii heak bek a na ngamtatna uh hong mu na Pa in thaman hong pia tu hi.

Matthew 7:8

Banghang ziam cile a ngen pawpo in nga a, a zong khat pawpo in mu a, a king sia kongkha kihon hi.

Sawltakte 16:15

Ama le a innkuanpuite in tui a kiphum zawkciangin, ama in ko hong sam hi, “Kei sia Topa a um tatak mihing khat ci in na khensat uh le, hong pai tavun a, ka inn ah hong taam tavun,” ci hi. Ama inn ah ka pai natu in hong zol hi.

Romete 16:23

A inn sia pawlpi kikhopna in a kizangh ka zintunna pa Gaius zongh in hong paupui hi; khuapi sumkeampa Erastus le ih suapui Quartus in hong paupui hi.

1 Corinth te 9:17

Keima uuk thu in ka tealna taw ka nasep seam hi leng, thaman hong kipiak tu ka lamen tu hi; ahihang sep tu pealmaw in nei a, a seam ka hi hi, banghang ziam cile Pathian in kei hong muang a, hi vaipuak hong aap hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

2 John 1:8

Tua ahiciang ih sepna sa teng atu taan ngawlin na thaman a cingin na nga natu in kikeam tavun.