Matthew 10:36 - Syin Chin Bible

³⁶ mihing khat ii a thuak laakbel a ngal sia, ama innkuanpuite ma hi tu hi.

Matthew 10:36 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

2 Samuel 16:11

Tuaciang David in Abishai le a uliante theampo munah, “Keima tapa in kei hong thatlum nuam a hanciam hi; tua ahiciang Benjamin mi khat ii ngamtatna banghangin lamdang sa nu ziam? Topa in a haamsiat natu in sawl hi; tua ahiciang ama nguak koi po vun a, tuabang hisak vun.

Psalm Late 41:9

Ka lawm phabel, ka muanbel, ka ankuang uumpui sia ngawngawn in kei hong langpan hi.

Psalm Late 55:13

Ahihang tuasia in ka kitholpui, ka pawl, ka lawm cii pha ahi nangma hi thong ni hi.

Isaiah 19:2

Topa in, “Egypt ngam sungah tualngal thosakin, unau khat le khat, innpaam khat le khat ka kidosak tu hi. A kidem khuapite khat le khat kido in, a kidem kumpite khat le khat vaangletna kituu in kihau tu uh hi.

Jeremiah 12:6

Na suapuite le na innkuan puite ngawngawn in nang hong leeheak zo hi; amate sia nang hong dote taw kikop hi. Amate in kamthum taw hong paupui uh zong um heak in,” ci hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Micah 7:6

Hi hun sungah tapate in a pate sia a mawmaw bangin vawt tu a, tanute in a nute nalh tu uh hi, mote in a tonupite taw kihau tu a; mihing khat ii ngalte sia ama innkuanpuite ma hi tu hi.

Matthew 10:21

“Mihingte in a suapuite thalup tu in aap tu a, pate zongh in tate tungah tuabang ma in ngamta tu hi; tate zongh in nute pate langpan tu a, thatlumsak tu uh hi.

John 13:8

Peter in “Bang hun po ahizong kei peang hong silsak ngeingawl tu ni hi!” ci hi. “Na peang ka sil buale ka nungzui na hi nawn buatu hi,” ci in Jesus in zo kik hi.

1 Samuel 17:28

David ii a u lianbel Eliab in David le mite kipaupui na teng za hi. Ama thin uuk a David tungah, “Nang hi sungah bang hong zong ni ziam? Dui sungah na tuute akua in keam tu ziam? Kin ngawl tu teng a kin, nang thong awng! Ngal kido en tu bekin hong pai na hi ziam!” ci hi.