Matthew 10:32 - Syin Chin Bible

³² “Mihingte mai ah khat po in kei neisa a hina a pualaak le, vantung ka Pa mai ah, kei zongh in tuabang ma in ka pualaak tu hi.

Matthew 10:32 Iomraidhean Croise

Psalm Late 119:46

Kumpipate munah na thupiaknate ka son tu a, ka mai a zum buatu hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Luke 15:10

Kei kong ci ciang, tuasia bangma in, mihing mawnei khat a kisiik kik hu in, Pathian vantunglalangte lungdam hi.”

John 9:22

Jew biakna thuneite ii lungkimna sa khat om a, a kuama po Jesus sia Messiah hi ci in a um peuma, synagogue sung pan kihawlkhia tu hi, ci ahikom amate in Jew biakna thuneite a kiitak hu in, a nu le a pa in hi bangin ci ahi hi.

2 Timothy 1:8

Tua ahikom, Topa atu tetti panna ah maizum heak in, Christ atu in thongtaakpa kei atu zonghin maizum heak in. Tua hi zaw ngawlin Pathian nasep natu thahatna hong piak bangin, Lungdamna Thupha atu thuakna sungah na kihel in.

1 John 4:15

Khat po in Jesus sia Pathian Tapa hi ci in a pualaak le ama in Pathian taw pumkhatin nungta a, Pathian in ama taw pumkhatin nungta tu hi.

Thupualaakna 2:13

Satan ii kumpi tokhum a ngakna munah na teen uh kong he hi. A thumaan ka tetti Antipas sia Satan teenna tua munah a kithalup hun dongin, na upna uh na thasua bua uh a, kei tungah nong thumaan uh hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.