Matthew 10:30 - Syin Chin Bible

³⁰ Note na hi uh le na lu tungah na samzamte dongin hong kisimsak siat sa ahi hi.

Matthew 10:30 Iomraidhean Croise

2 Samuel 14:11

Ama in, “Kumpipa awng, nong hesuakna in, Topa na Pathian tungah ka mealheakte ka tapa thi huvau phulam natu vaipuak nei sia in ka tapa a om lai sia a thalupna taw khialna lianzaw lai a vawt ngawl natu in thu hong ngetsak ta'n,” ci hi. “A nungta Topa min taw kamciam hong pia khi hi, na tapa sia tawmno zongh bangma tat ngawl tu hi,” David in ci hi.

1 Kumpite 1:52

Solomon in, “Ama kei tungah hong thumaan po le a luzang samzam khat zongh kithutha ngawl tu hi; ahihang hong thumaan bua ahile thi tu hi,” ci in zo kik hi.

Luke 12:7

Na lu tung a samzamte ngawngawn hong kisimsak siat sa ahi hi. Tua ahikom lau heak vun. No sia tonbawm tam mamate sangin manpha zaw nu hi.

Luke 21:18

Ahihang na lu tung pan samzam khat zong a sumsi buatu hi.

Sawltakte 27:34

Tua ahiciang an tawm tek na neak natu uh in, kong thuum hi; na thi ngawl natu in, an kitaangsamh hi. Na lu tung a samzam khat zongh, sum ngawl tu nu hi,” ci hi.

1 Samuel 14:45

Ahihang mipite in Saul munah, “Israel atu ngalzawna lianpi hong neisak Jonathan sia thisak tu hi ziam? Hi thei ngawl hi! A nungta Topa min taw kamciam pia khu hi, a luzang samzam khat zongh sumsi thei ngawl tu hi. Tuni in a sep a vawt sia, Pathian ii huna taw a vawt hi,” ci uh hi. Tuabangin mipite in Jonathan sia thi natu pan hun uh hi.