Matthew 10:28 - Syin Chin Bible

²⁸ Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Matthew 10:28 Iomraidhean Croise

2 Kumpite 17:39

Keima Topa, na Pathian ii thu nong ni tu uh a, tuasia ciang, na ngalte kung pan kong suatak tu hi,” ci in thupia hi,

Job 37:24

Tua hi a, mihing theampo in ama a zatak, a kiitak uh sia lamdang ngawl hi, tuaciang ama in a kiciimsakte a awlmawk ngawl sia zongh lamdang ngawl hi.

Psalm Late 119:120

Nangma hu in ka lau hi; na thukhennate hu in launa taw ka kidim hi.

Thuhilsya 5:7

Bangza in mang na man a, bangza in a luithawthong nasep naseam zong, ahibuale bangza in na pau hial zong, Pathian na zatak veve kul lai tu hi.

Isaiah 51:12

Topa in, “Keima in nang hong thahatsak pa ka hi hi. Banghang lopa sangin ngei a nungta ngawl zaw, a thithei mihing kiita tu nu ziam?

Isaiah 51:7

“Thumaanna he in, na thinsung uh ah keima thuhilna a vom mite awng, ka thu hong ngai tavun. Mite in hong selno in hong lan ciangin lau heak vun;

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Jeremiah 5:22

Keima in Topa ka hi hi; banghang hong kiita ngawl nu ziam? Banghang ka mai ah liing ngawl nu ziam? Tuipi ii ngamngi tu in sen ka koi a, tui ii kaantan zawk ngawl a tawntung a kho ngamngi ahi hi. Tuipi a kilok hial zong kaantan zo ngawl tu a; tuihualte a hawk ngawp zong phultan zo ngawl tu hi.

Matthew 10:26

“Tua ahikom, mihingte kiita heak vun. Tu laitakin a kiseal theampo kilangh tu a, thuku theampo kipualaak tu hi.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

John 5:29

thaankuul sung panin hong pusua tu hun hong theng tu hi; na pha a seamsate tho in nungta tu a, siatna vawtte tho in mawsakna thuak tu hi.

Sawltakte 21:13

Ahihang Paul in, “Bang son nu ziam? Hi bangin kapin ka thin hong tamhsak nu ziam? Jerusalem ah khau kikhii bek dom ngawlin, Topa Jesus hangin, tua munah a thi tu ngawngawn zong kingingta zo khi hi,” ci in zo kik hi.

Hebrew te 10:31

A nungta Pathian khut sung ih taaksuk tu sia lauhuai mama hi!

Hebrew te 11:35

Upna tungtawnin a thisa a kinungtasak kik a mealheakte, numeite in nga uh hi. A dangte ahile, suatakna a saan tu nial in, a phazaw nuntakna sungah a kithaw kiksak natu in, vawtsiat zazaan thuakin thi uh hi.

James 4:12

Pathian bekma thukham pia Pa le thukhenpa ahi hi. Ama bek in, ngum thei a, susia thei hi. Na mipuite tungah thukhen tu in nang sia akua kisa ni ziam?

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.