Matthew 10:26 - Syin Chin Bible

²⁶ “Tua ahikom, mihingte kiita heak vun. Tu laitakin a kiseal theampo kilangh tu a, thuku theampo kipualaak tu hi.

Matthew 10:26 Iomraidhean Croise

Paunakte 10:9

Thumaan mihingte thinmuang hiithiat a, ahizong thumaan ngawlte mat thuak tu hi.

Paunakte 28:1

Mihing seksolte sia kuama ii del ngawl bulin tai hi, ahihang a thumaan mihing khat in tawpi bangin hang hi.

Paunakte 29:25

Midangte ii nang hong ngaisutnate thin nopmawkin na nei tu sia lauhuai hi, ahizong Topa na muang le ngammuangin na om tu hi.

Thuhilsya 12:14

Pathian in ih sep ih vawtte theampo, a pha ahizong, a sia ahizong, ih vawt kute ngawngawn dongin thu hong khen tu hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Jeremiah 1:8

Amate kiita heak in, banghang ziam cile keima in nangma hong dal tu in kong ompui tu hi, Topa, keima in kong son zo hi!” hong ci hi.

Ezekiel 2:6

“Ahihang a thithei mihing awng, amate ahizong, amate hong ci pawpo ahizong, na kiita bua het tu hi. Amate in nang hong nalh in hong zawngsak tu hi; aikam hon kawm a teen bang hi tu hi. Tuabang ahihang tua tualngalte ahizong, amate ii cite ahizong kiita peang heak in.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Mark 4:22

A kisealcip thute peuma a kipualaak tu a, a kisiin theampo kihongkeak tu hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Luke 8:17

“A kiseal nate theampo a kilangh in kipusua tu a, a kikhupsin theampo kimu tu a, kipualaak siat tu hi.

Sawltakte 1:8

Ahihang Thaa Thiangtho note tungah hong pai ciang, vaangletna taw na kidim tu uh a, Jerusalem pan kipan Judea ngam bup le Samaria ngam le leimong dongin, ka tetti na hi tu uh hi,” ci hi.

Sawltakte 4:13

Council upate in, Peter le John sia mihing thawthong hi a, pilna nei ngawl hi napi, tuza in a hansanna sia lamdang sa uh hi. Tuasia ciangin amate ngeal sia Jesus ii kitholpui ngeite ahi hunlam phawk uh hi.

Sawltakte 4:19

Ahihang Peter le John in zo kik a, “Pathian mai ah — note thu kong nit tu le, Pathian thu ka nit tu uh, koisia maan zaw ziam, noma tek in khensat tavun.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

1 Peter 3:14

Ahihang thumaan nasepna na sep uh ciang ngawngawnin na thuak uh le, bangza in lungdam tu nu ziam! Kuama kiita heak vun a, thinngim heak vun.