Matthew 10:23 - Syin Chin Bible

²³ Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

Matthew 10:23 Iomraidhean Croise

Jeremiah 26:21

Jehoiakim kumpipa le a ngalkapte le uliante in Uriah ii thuson a zaak uh ciang, kumpipa in Uriah a kithalup natu in hanciam hi. Ahihang tua thu Uriah in za hi; tuaciang ama lau in Egypt ngam ah tai a, suakta hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 2:13

Amate a pai zawkciang, Topa vantunglalang khat Joseph mang sungah kilangh a, “Herod in patangno sia that tu in zong tu hi. Tua ahikom patangno le a nu Egypt ngam ah taipui ta'n, cia kik a kong sawl dong, tua munah om tavun,” ci hi.

Matthew 23:34

Tua ahikom, kamsaangte, mihing ciimte le syate sia note kungah kong paisak tu hi; tuate pawlkhat na thatlum tu uh a, pawlkhat thinglamtee tungah na kilh tu a, pawlkhat sia synagogue inn sungah na vel tu uh a, khuapi khat pan khuapi khat ah na delkot tu uh hi.

Matthew 23:36

A tatakin kong ci ciang mihing that theampo hangin na thuak uh daan sia tu hun mihingte ii tungah hong tung tu hi!

Matthew 24:27

Banghang ziam cile Mihing Tapa sia van buppi ah nisuana pan nitumna dong a kaantan khualeng taang bangin hong pai tu hi.

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Matthew 24:34

Tu laitak a nungta mihingte a thi siat ma in, hi thu sia hong piang tu hi ci in phawk tavun.

Matthew 24:48

Ahihang tua naseampa sia a ngina ngawl khat ahile, a topa sia hong cia hak lai vak, ci in ama le ama kitheam tu a,

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 4:12

Jesus in John thong sungah kikhum hi, ci in a zaak ciang, ama Galilee ah pai hi.

Mark 13:26

Tua zawkciangin Mihing Tapa sia hong kilangh tu a, meeikaai sungah vaangletna le minthanna lianpi taw hong pai tu hi.

Luke 18:8

A maan tak ka ci ciangin, amate sangah pangin, a manlang takin thu khensak tu hi. Ahitazong Mihing Tapa ii hong pai kik ciangin leitung ah upna a mu tu ziam?” Topa in ci thua hi.

Luke 21:27

Tuaciang Mihing Tapa hong kilangh tu a, vaangletna le minthanna taw meeikaai sungah hong pai tu hi.

John 7:1

Tua zawkciang, Galilee ngam sungah Jesus khualhaw hi; ama in Judea ngam sungah khualhaw nuam ngawl hi, banghang ziam cile, tuasung a om Jew thuneite in ama thatlum nuam uh hi.

Sawltakte 17:10

Khuazan po ciang, thu umte in Paul le Silas sia, Berea khua ah puak uh hi. A thet ciangin, amate synagogue ah pai uh hi.

Sawltakte 17:14

Thu umte in thakhat thu in, Paul sia tuipivaal ah puak uh hi; ahihang Silas le Timothy te ngeal Berea ah taam uh hi.

Sawltakte 20:1

Tua buaina a thim zawkciang Paul in thu umte khawmtua a, hanthotna kammalte taw vaithakna nei hi. Tuaciang ama vaiding in Macedonia ah paisuak hi.

Sawltakte 8:1

Tuaciang Stephen a thalupna sia Saul in lungkimpui hi. Tua ni mama in Jerusalem a om pawlpi sia vawtsiatna nasia takin thuak tu kipan hi. Sawltakte simngawl thu um dangte theampo sia Judea le Samaria ngamkhente sungah kithethaang siat uh hi.