Matthew 10:20 - Syin Chin Bible

²⁰ Banghang ziam cile kammal na pau uhte sia no kammal hi ngawl tu hi; tuate sia na pa ii Thaa tung pan hong pai a, note tungtawnin hong pau ahi hi.

Matthew 10:20 Iomraidhean Croise

2 Samuel 23:2

Topa ii thaa in kei tungtawnin pau hi; ama ii thu puak sia ka muk tungah om hi.

Pusuana 4:12

Tu in, va pai ta'n! Na kampau kong hu tu a, na thuson tu kong hil tu hi,” ci hi.

Matthew 6:32

(Hite sia doai biate ii thinbot thei bul thute ahi hi.) Vantung a om na Pa in, hite theampo na kitaangsap uh hong he nginge hi.

Mark 12:36

Thaa Thiangtho in David sia hi bangin pausak hi: ‘Topa in ka Topa tungah: Na ngalte na peang nuai ah kong koisak mateng, hi sung ka ziatsang ah hong to ta'n ci hi.’

Luke 11:13

Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

Luke 12:12

Banghang ziam cile Thaa Thiangtho in tua hun ciangin na pau natu hong hil tu hi.”

Luke 21:15

banghang ziam cile na ngalte ii hong nial thei ngawl natu le hong nalh thei ngawl natu in, kammalte le ciimnate kong pia tu hi.

Sawltakte 13:9

Tuasia ciangin Paul a kici Saul in Thaa Thiangtho taw kidim hi; ama in mitbum thiampa tangtan in salh a,

Sawltakte 2:4

Amate sia Thaa Thiangtho taw kidim uh a, Thaa ii a pausak bangin, kampau dangte taw pau uh hi.

Sawltakte 28:25

Tua ahikom, amate kithukim thei ngawlin, Paul ii hi bangin, a ci zawkciang nusia uh hi. “Thaa Thiangtho in, Isaiah kamsaangpa tungtawnin, na taanghpupite tungah a sonna sia bangza in pha ziam!

Sawltakte 4:8

Thaa Thiangtho taw a kidim Peter in zo a, “Minamte lampui le upate awng,

Sawltakte 6:10

Ahihang Thaa in Stephen sia tuabang ciimna pia ahikom ama a pau ciangin a nalh zo bua uh hi.

2 Corinth te 13:3

Christ in keima tungtawnin hong ci tatak ma a hina tetti lakna na dei uh teng na nga tu uh hi. Ama in note taw hong sep khop ciang, a thazawm bua hi; a vaangletna no sungah hong lak zaw hi.

1 Thessalonica te 2:13

Tuaciangin, Pathian tungah a tawntung lungdam ka kona uh ahang khat zongh om hi. Pathian thu kong puak uh lai in, mihing ii thupuak bang hi ngawlin Pathian thupuak bang ahi takpi sia na za uh a, na saang uh hi. Banghang ziam cile no thu umte sungah Pathian in na hong seam hi.

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.

2 Peter 1:21

Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.