Matthew 10:17 - Syin Chin Bible

¹⁷ Kidawm tavun, banghang ziam cile mihingte in hong man tu a, zum ah hong then in, synagogue te ah hong vel tu hi.

Matthew 10:17 Iomraidhean Croise

Micah 7:5

Na innpaam ahizong, na ngualtamh ahizong umin muang heak in. Na zi tungah na pauna ngawngawn kidawm in.

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 23:34

Tua ahikom, kamsaangte, mihing ciimte le syate sia note kungah kong paisak tu hi; tuate pawlkhat na thatlum tu uh a, pawlkhat thinglamtee tungah na kilh tu a, pawlkhat sia synagogue inn sungah na vel tu uh a, khuapi khat pan khuapi khat ah na delkot tu uh hi.

Matthew 26:59

Thiampi liante le Council bup in Jesus a thalup thei natu in, leilot tetti pawlkhat zon tu in hanciam uh hi,

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Mark 13:12

Mihingte in a suapuite thalup tu in aap tu uh hi, tuaciang, pate in a tate tuabang ma in vawt tu hi. Tate in nute pate langpan in, thatsak tu uh hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Luke 12:11

“Synagogue mai ah ahizong, ngam uk maangte le hong ukte mai ah ahizong, thusit tu in hong kipaipui ciang noma bangbangin kihung tu a, bang teng pau tu ci in thinngim heak vun.

John 11:47

Tua ahikom Pharisee te le thiampi liante Council te taw kisitua in, “Bang law tu hi ziam? Hisia pa ii nalamdang lakna a vawt theampo en vun!

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

Sawltakte 17:14

Thu umte in thakhat thu in, Paul sia tuipivaal ah puak uh hi; ahihang Silas le Timothy te ngeal Berea ah taam uh hi.

Sawltakte 22:19

‘Topa awng, synagogue te ah ka pai a, nang hong umte manin ka vel bul sia, amate in pha takin hong he nginge hi.

Sawltakte 26:11

Tamvei ma, synagogue te ah daan ka piasak a, a upna uh a kheal thei natu in, ka hanciam hi. Amate tungah ka thin uuk mama ahikom, ngamdang a khuapite ngawngawn ah, ka pai a ka vawtsia hi.

Sawltakte 9:2

Topa Lampi a zui pate le numeite a mu peuma man khawmin Jerusalem ah a ciapui thei natu, Damascus khua synagogue ukte a lak tu ama thu a kisonna lai ama in ngen hi.

Philippi te 3:2

A sia a vawtte, tua uite, vunteap at kul hi a ci hamtangte, na encik tavun.

2 Timothy 4:15

Nang mama zongh ama tungtaang ah na kidawm in, banghang ziam cile ama in ih ngupna thuhilnate nasia takin hong langpan hi.

Hebrew te 11:36

Pawlkhat sia kiselno in kivel a, pawlkhat sia thikkol kibulin, thong sungah kikhum hi.