Matthew 10:16 - Syin Chin Bible

¹⁶ “Ngai vun! Note tuu bangin ngiahon sungah kong tha hi. Ngul bangin pilvang vun a, ngam vakhu bangin cingh tavun.

Matthew 10:16 Iomraidhean Croise

Pianciilna 3:1

Tu in ngul sia Topa Pathian vawtsa nganhingte sung pan a thiimthelbel nganhing ahi hi. Ngul in numei tungah, “Pathian in, huan sung thingkung khat pawpo ii nga ne thei ngawl tu nu hi, hong ci takpi ziam?” ci in dongh hi.

Pianciilna 3:13

Topa Pathian in numei tungah, “Banghang hi bang ngamta ni ziam?” ci in dongh hi. Ama in, “Ngul in hong theam a, ka ne hi,” ci in zo kik hi.

Nehemiah 4:13

Tua ahikom ka mite namsau, tei le thal te ka pia a, a kiman ngawl lai mun teng pan ngal pang tu in luphung nungsangah a bee le a phung zui in ka omsak hi.

Jeremiah 40:16

Ahihang Gedaliah in, “Tua sia hi heak in! Ishmael thu na son sia maan ngawl hi!” ci in zo hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Matthew 24:25

Ngai vun! a hun hong thet ma in hong sonkhol zo khi hi.

Matthew 24:45

“Thumaan a, a ciim naseampa sia akua bangte ziam? Ama sia naseam dangte a uk tu le a hun a hun in an a pia tu in a kikoipa ahi hi.

Matthew 25:2

Ngaknu ngate mawmaw a, a dang ngate ciim hi.

Matthew 25:4

a ciimte ahile meiinn atu meitui bung dimin keng thua uh hi.

Matthew 25:9

A ciimte in, ‘hi thei mama ngawl hi; no atu le ko atu in kicing ngawl hi. Sumbuk ah pai in lei tavun;’ ci uh hi.

Luke 10:3

“Pai tavun! Ngia hon sungah tuunote tha bangin kong tha hi.

Luke 21:15

banghang ziam cile na ngalte ii hong nial thei ngawl natu le hong nalh thei ngawl natu in, kammalte le ciimnate kong pia tu hi.

Sawltakte 20:29

Kong nusiat zawkciangin, a kiitakhuai ngiate, no sungah hong pai tu a, tua tuuhon a khoaikhet ngawl tu sia ka he hi.

1 Corinth te 14:20

Ka suapuite awng, na khua ngaisutna uh ah, patang bang hi heak vun; siatna lam ah patang bang na hi vun, ahihang khua ngaisutna ah na khanthin vun.

2 Corinth te 1:12

Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi.

2 Corinth te 11:14

A lamdang hi ngawl hi! Satan ngawngawn zongh khuavak vantunglalang khat taw kibang tu in, kimealseal thei lai hi!

2 Corinth te 11:3

Eve sia ngul ii leilot pilnate taw a theam bangma in — na thinsung uh lalin Christ tungah a kicing le a thiangtho in na kipiakna uhte na nusiat thaak tu uh ka lau hi.

2 Corinth te 8:20

Ngo tak a, letsong kipiaknate ka zeakna uh ah kuama a phun ngawl natu in ka kidawm uh hi.

Philippi te 2:15

tua hile mawna le ngamtat siatna taw kidim leitung mite kawmah, a sitbaang ngawl Pathian ii tate bangin a maw ngawl, a thiangthote na suak thei tu uh hi. Aksite ii van ah a taan bangma in,

Colossae te 1:9

Tua thu hangin note thu ka zaak pan kipan thu kong ngetsak tawntung uh hi. Ama deina tel theina le a Thaa ii hong piak ciimna le heakna theampo taw note hong kidimsak natu in Pathian tungah ka ngen uh hi.

Colossae te 4:5

Thu um ngawlte tung na ngamtatna uh ah ciimna na zangh vun a, hunpha na nga uh theampo a pha takin na zangh vun.

1 Thessalonica te 2:10

No thu umte tungah ka ngamtatna uh sia thiangtho, maan, khialna om ngawl ahi hunlam note in ka tetti te na hi uh a, Pathian zongh ka tetti uh ahi hi.

1 Thessalonica te 5:22

A sia nam theampo na pial tavun.