Matthew 10:15 - Syin Chin Bible

¹⁵ A tatak kong ci ciang thukhen ni ciangin tua khua mite sangin, Sodom le Gomorrah khua mite tungah Pathian in hesuakna lak zaw tu hi.

Matthew 10:15 Iomraidhean Croise

Matthew 12:36

“A tatakin kong ci ciang, Thukhenna Ni ciangin, mihing sim in, phattuamna hong pia ngawl kammal khat a paute tungtawnin, thusitna thuak tu hi.

Matthew 5:18

Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Matthew 7:22

Thukhenna Ni hong thet ciang, mihing tam mama te in, ‘Topa, Topa! Na min taw Pathian thuhil in, na min taw doaite tam mama notkeak in, nalamdang tam mama vawt hi ngawl khu ziam?’ ci tu uh hi.

Mark 6:11

Khua khat po ah no hong kisaang bua a, hong ngai nuam bua ahile, nusia vun a, na peang tung leivuite na thin tavun. Tuate amate kidop natu thupiakna ahi hi,” ci thua hi.

John 12:48

Kei hong nial a, kong thupuak a saang ngawl peuma ama tungah thukhen tu khat a nei hi. Ka pau sa kammal te in ni tawpkhak ni ciangin ama ii thukhenpa hi tu hi!

John 6:39

Tuaciang kei hong sawlpa ii deina sia, hong piaksa theampo sung pan khat zongh bosua ngawl het in, ni tawpkhak ni in, amate teng nuntakna sungah, ka thawsak siat tu sia ahi hi.

John 6:40

Banghang ziam cile ka Pa ii deina sia, Tapa mu a, ama a umte theampo in tawntung nuntakna a nga natu ahi hi. Tuaciang ni tawpkhakbel ni in, amate nuntakna sungah ka thosak tu hi,” ci hi.

Sawltakte 17:31

Banghang ziam cile ama in, leitung bup ah thukhaikim thu taw, ama ii tealsa mihing khat zangh in, thu a khen natu in, ni khat, ciangtan sa in koi hi. Hi thu a maanna thu sia, tua pa thina panin a thawsak kikna taw mihing sim tungah a lak zo hi!” ci hi.

1 Corinth te 3:13

Tuaciang mihing khat sim ii nasepna a phat le a phat ngawl sia Christ Ni in a pholaak ciangin kimu tu hi. Banghang ziam cile tua Ni in meikuang in mihing sim ii nasepna kilanghsak tu hi; meikuang in tua nasepnate sittel tu a, a phatna le a siatna lak thiang tu hi.

1 Thessalonica te 5:4

Ahihang suapuite awng, note in khuazing sungah om ngawl nu hi, tua ahikom tua Ni in nguta khat hong pai a, lamdang na sak bang ahi buatu hi.

Hebrew te 10:25

Pawlkhatte bang hi ngawlin, eite in kikhoptua ngei sia thasua bua tawng. Topa Ni hong nai hi ci in, mu na hi uh ciangin, khat le khat kihanthawn seseam zaw tawng.

2 Peter 2:6

Pathian a selte tung a piang tu sia mu thei natu in, Sodom le Gomorrah khuapite sia meikuang taw Pathian in haltham hi.

2 Peter 2:9

Tua ahikom Topa in Pathian ii dei bang a nungtate, haksatnate pan bangbang suatak tu ci thu, mihing seksolte Thukhenna Ni ciang bangbang daan thuaksak tu ci sia le

2 Peter 3:7

Ahihang tu in a om, vantungte le leitung sia meikuang taw a kilalsak natu in, tua a kibang Pathian thupiak sia ma in keamcingin om nginge hi. Pathian a sel mite thu kikhen natu le a kilalsak tu hun, a ni hong thet tu ngakin kikeam zii hi.

1 John 4:17

Thukhenna Ni in thinhanna ih nei natu in eite sungah ki itna hong cialcingsak hi; hi leitung ah ih nuntakna sia Christ ii nuntakna bangma ahikom, eite tuabang thinhanna ih nei tu ahi hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.