Matthew 1:21 - Syin Chin Bible

²¹ Ama in tapa khat hong hing tu a, a min Jesus ci in na phuak tu hi — banghang ziam cile ama in a mite mawna pan a hun tu hi,” ci hi.

Matthew 1:21 Iomraidhean Croise

Pianciilna 17:19

Ahizong Pathian in, “Hi ngawl hi, na zi Sarah in nang atu in tapa khat hong nei tu a, a min Isaac na phuak tu hi. Ama tung ahizong a suan a paalte tung ahizong ka thuciamna sia a tawntungin ka kholet tu hi. Tua in a tawntung a kip thuciamna khat ahi hi.

Pianciilna 17:21

Ahizong mai kum tu hun khawng ciangin Sarah sung pan hong suak tu na tapa Isaac taw ka thuciamna ka kholet tu hi,” ci hi.

Pianciilna 18:10

Amate khat in, “Tu zo tha kua ciang kong pai kik tu a, na zi Sarah in tapa khat nei tu hi,” ci hi. Sarah in a pasal nungsang puanbuk kongkha pan ngai hi.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 33:16

Judah mite le Jerusalem mite sia kisuatak tu a, ngam muangin teang tu uh hi. Tua khuapi sia ‘Topa, Eite Ngupna’ kici tu hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 1:25

Ahihang taciil nau a sua dong a zi ompui ngawl hi. Tuaciang Joseph in nau min Jesus ci in phuak hi.

Luke 1:13

Ahihang vantunglalang in hi bangin ci hi, “Zechariah awng, lau heak in! Pathian in na thungetna hong za zo a, na zi Elizabeth in tapa khat hong hin pui tu hi. A min John ci in na phuak tu uh hi.

Luke 1:31

Nangma in nau na paai tu a, a sua ciang a min Jesus ci in na phuak tu hi.

Luke 2:11

Tuni mama in David khua ah note hong Hunpa — Christ Topa suak zo hi.

Luke 2:21

Nipi khat zawkciangin, nausen ii vunteap at tu hun hong theng a, ama ii naungil om ma in, vantunglalang ii piaksa min ahi Jesus ma phuak uh hi.

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

John 4:42

tua numei munah amate in, “Tu in um khu hi, nang nong son sia hang hi ngawl a, koma mama in ama ii thuson ka zaak uh hang hi, ama leitung Hunpa ahi takpi sia ka he uh hi,” ci uh hi.

Sawltakte 13:23

David ii suan Jesus sia Pathian in kamciam a piaksa bangma in, Israel mite ii Hunpa hisak hi.

Sawltakte 3:26

Tua ahikom note theampo in na ngitlo nate pan kikheal a, thupha hong piak thei natu in, Pathian in a Naseampa teal in note kungah hong sawl masa hi,” ci hi.

Sawltakte 4:12

Ngupna sia ama bek tungtawnin kinga thei hi; leitung bup ah eite hong ngum thei tu in, Pathian piaksa midang khat zongh om ngawl hi,” ci hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 7:25

Tua ahikom ama in, tu le a tawntungin, ama tungtawn a, Pathian kung a zuante sia hun thei hi, banghang ziam cile ama in amate atu Pathian munah thu ngetsak tu in, a nungta tawntung hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 3:5

Mawnate a la keak tu in Christ hong kilangh hi a, ama sungah mawna om ngawl hi ci in na he uh hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.

Thukhente 13:3

Topa vantunglalang khat ama kungah kilangh a, “Nang sia ta nei thei ngawl ni hi, ahihang hai ngawlin na ngai tu a, tapa khat na nei tu hi.

1 Samuel 1:20

Tuabangin ama naungil om a, tapa khat hing hi. Ama in a min Samuel phuak a, “Ama sia Topa tung pan ka nget hi” a cina ahi hi.