Matthew 1:18 - Syin Chin Bible

¹⁸ Jesus Christ suana sia hi bang ahi hi. A nu Mary sia Joseph taw teang tu in a kidongh sa ahi hi. Ahihang a kiteen uh ma in, ama Thaa Thiangtho taw naungil om hi.

Matthew 1:18 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Job 14:4

Mihing bang a thiang ngawl na khat pawpo sung pan a thiangtho na piang thei ngeingawl hi.

Job 15:14

Mihing khat pawpo sia thiangtho takpi thei tu ziam? Mihing khat pawpo sia Pathian muna ah maan thei tu ziam?

Matthew 1:1

Abraham ii suan, David ii tu le ta ahi, Jesus Christ ii taanghpupite ii min tepteena lai sia hi bang hi a, Abraham pan David kumpipa dong, a taanghpupite ii minte a nuai a bang ahi hi.

Matthew 12:46

Jesus in mihonpite thu a hil laitakin, A nu le a suapuipate hong theng hi. Amate in paupui nuam in doipua ah ding uh hi.

Matthew 2:11

Amate inn sungah tum a patangno le a nu Mary a mu uh ciang khupdin in bia uh hi. Amate in a ken uh a letsongte khamh, frankincense paaknamtui le myrrh thil namtuite sua in pia uh hi.

Luke 1:25

“Tu peetma ciang ahile Topa in hong hu zo hi, ngual mai ah ka maizumna teng ama in hong vawksak zo hi!” ci hi.

Luke 2:5

Ama taw a kiteang tu dokzu a kipiasa ahi Mary taw min khum khawm tu in pai uh hi. Ama naungil omsa hi a,

Thuhil kikna 22:23

“Sonteena in khua sungah mihing khat sia a kidongh sa numei khat a khialpui zawkciang kiman hi.

Hebrew te 10:5

Hi thu hangin Christ sia leitung ah hong pai tu ciangin ama in Pathian tungah, “Sangaw biakpiaknate le piakkhiatna te na dei bua hi, ahihang kei atu in pumpi khat nong koisak khol zo hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.