Matthew 1:12 - Syin Chin Bible

¹² Babylon ah salin a kiciapui pan kipan Jesus khang dong a nuai a bangin taanghpupite khang kiciamtee hi. Jehoiachin ta Shealtiel, Shealtiel ta Zerubbabel,

Matthew 1:12 Iomraidhean Croise

2 Kumpite 24:14

Nebuchadnezzar in Jerusalem mite, kumpipa tapate le lampuite theampo thongtaak tu in ciapui hi, a vekpi kingawm 10,000 pha hi. Ama in khutthiamna nei theampo, thikseakte zongh ciapui hi, Judah ah mizawngbel teng bek nusia hi.

2 Kumpite 25:27

Evilmerodach sia Babylon kumpipa a sua kumin, ama in Judah kumpipa Jehoiachin tungah hesuakna a lakna in thong panin pusuaksak hi. Hi bangin thu hong pian sia Jehoiachin ii luangtaak zawk a kum 37 na, tha sawm le tha nii, ni 27 ni hi.

1 Khangtaanghthu 3:17

Hite sia Babylon te ii thong ah a khum, Jehoiachin kumpipa ii suan le paalte ahi uh hi. Jehoiachin in tapa sali nei hi: Shealtiel,

Ezra 3:2

Jehozadak ii tapa Joshua, a thiampi puite le Shealtiel ii tapa Zerubbabel le a beete teng in Pathian ii mihing Moses ii Thukham sungah a ki at hilnate bangin sangaw biakpiaknate a hal thei natu in Israel ii Pathian biaknatau sa kik uh hi.

Ezra 5:2

Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.

Nehemiah 12:1

Shealtiel ii tapa Zerubbabel le Thiampi Lianbel Joshua taw saltanna pan a cia kik, thiampite le Levi te min tepteena a nuai a bang ahi hi: Seraiah, Jeremiah, Ezra, Amariah, Malluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah le Jedaiah ahi uh hi. Hite sia Joshua hunlai in a thiampipuite theampo sungah lampuite ahi hi. A nuai a teng sia lungdamko biakna lasakna ah lampuite veu hi: Jeshua, Binnui, Kadmiel, Sherebiah, Judah le Mattaniah.

Jeremiah 22:24

Topa in Judah kumpi Jehoiakim ii tapa Jehoiachin kumpipa tungah, “A nungta Pathian ka hi bangma in, nang sia ka ziatsang khut tungah min tupna khutzungbu na hi hial zongh in, kong suut keak tu a,

Jeremiah 22:28

Keima in, “Jehoiachin kumpipa sia kuama ii a dei ngawl, a kivawksa thambeal tamh khat bang suak zo ziam? Tua hu in ama le a tate sia amate heak ngeingawlna ngam ah saltaang tu in kipaipui ahi ziam?” ka ci hi.

Jeremiah 22:30

“Hisia pa sia ma a tun ngeingawl tu le, a tate a khuaisua tu in a kiningkhiin sa hi. Ama in David ii za laihte bangin, Judah ngam a uk tu in suan le paal nei ngawl tu hi. Keima Topa in ka son zo hi,” ci hi.

Haggai 1:1

Darius ii Persia kumpilian a sep zawk a kum niina kum, a tha luk tha, ni masabel ni in Topa in kamsaangpa Haggai tungtawnin thu son hi. Shealtiel tapa Judah ngamukmangpa Zerubbabel atu le Jehozadak ii tapa Thiampi Lianbel Joshua atu in thupuak ahi hi.

Haggai 1:12

Tua zawkciang Zerubbabel, Joshua le Babylon ngam saltanna pan hong cia kik theampo in Topa a Pathian sawl bangin vawt uh hi. Amate lau ahiciang, Topa ii kamtaipa, kamsaang Haggai thu ni uh hi.

Haggai 1:14

Topa in Biakinnpi sak tu vai mi theampo thawn hi: Judah ngamuk mangpa Zerubbabel; Thiampi Lianbel Joshua, le saltanna pan hong ciakik mite theampo ahi hi. Amate ii Vaanglianbel Topa, a Pathian Biakinnpi ah a nasep kipat ni sia,

Haggai 2:2

Ama in Haggai tungah Shealtiel tapa Judah ngamuk mangpa Zerubbabel, Thiampi Lianbel Joshua le mite tungah hi bang in sonsak hi,

Haggai 2:23

Tua ni ciang ka naseampa Zerubbabel awng, nang kong la tu a, keima min suangin a uk tu in panmun kong pia tu hi. Nangma kong teal sa khat na hi hi.” Vaanglianbelpa Topa in son zo hi.

Matthew 1:11

Amon ta Josiah, Josiah ta Jehoiachin le a suapuite ahi uh hi.

Matthew 1:13

Zerubbabel ta Abiud, Abiud ta Eliakim, Eliakim ta Azor,

Matthew 1:17

Tua ahikom Abraham khang panin David khang dong khang sawm le khang li hi a, David khang pan Babylon ah salin a kipaipui uh dong khang sawm le khang li, Babylon te mat hun pan Messiah sua dong khang sawm le khang li ahi hi.

Luke 3:27

Joanan ii tapa Joda, Rhesa ii tapa Joanan, Zerubbabel ii tapa Rhesa, Shealtiel ii tapa Zerubbabel, Neri ii tapa Shealtiel,