Matthew 1:11 - Syin Chin Bible

¹¹ Amon ta Josiah, Josiah ta Jehoiachin le a suapuite ahi uh hi.

Matthew 1:11 Iomraidhean Croise

2 Kumpite 23:31

Joahaz sia Judah kumpi a sua hunin kum 23 pha hi, tuaciang ama in Jerusalem pan tha thum sung uk hi. A nu sia Hamutal hi a, Libnah khuapi pan Jeremiah ii tanu ahi hi.

2 Kumpite 24:14

Nebuchadnezzar in Jerusalem mite, kumpipa tapate le lampuite theampo thongtaak tu in ciapui hi, a vekpi kingawm 10,000 pha hi. Ama in khutthiamna nei theampo, thikseakte zongh ciapui hi, Judah ah mizawngbel teng bek nusia hi.

2 Kumpite 25:11

Tua zawkciang Nebuzaradan in khuapi sungah a kinusia mite, a om lai sun nasep thiamte le Babylon te panpui tu in a tai teng Babylon ah paipui hi.

2 Khangtaanghthu 36:10

Khuakhaal kipat ciang Nebuchadnezzar kumpipa in Jehoiachin sia thongtaak tu in Babylon ah paipui hi. Biakinnpi sum le vanh manphate zongh pua hi. Tua zawkciang Nebuchadnezzar in Jehoiachin ii pano Zedekiah sia Judah le Jerusalem kumpi suaksak hi.

2 Khangtaanghthu 36:20

Ama in a nungta lai theampo Babylon ah ciapui a, tua munah amate in sila bangin Persia kumpilianpa hong khan dong ama le a suan a paalte ii na seam uh hi.

Isaiah 13:1

Hisia sia Babylon taw kisai, Amoz ii tapa Isaiah ii Pathian tung pan a nga thupuak khat ahi hi.

Jeremiah 39:9

A khakbel in ngalkap hon ukpa, Nebuzaradan in khuapi sungah a taanglai mite sia ama kung a zuan teng taw Babylon ah thongtaak tu in paipui khawm hi.

Daniel 1:2

Topa in, Jehoiakim Kumpipa sia Nebuchadnezzar Kumpipa in mansak a, biakinn na manpha pawlkhatte laaksak hi. Ama in a mat mihing pawlkhatte Babylon khua ama ii pathiante biakinn ah ciapui a, a mat sum le vanh manphate biakinn vanh kholna inndoite sungah koi hi.

Matthew 1:12

Babylon ah salin a kiciapui pan kipan Jesus khang dong a nuai a bangin taanghpupite khang kiciamtee hi. Jehoiachin ta Shealtiel, Shealtiel ta Zerubbabel,

Matthew 1:17

Tua ahikom Abraham khang panin David khang dong khang sawm le khang li hi a, David khang pan Babylon ah salin a kipaipui uh dong khang sawm le khang li, Babylon te mat hun pan Messiah sua dong khang sawm le khang li ahi hi.