Matthew 1:1 - Syin Chin Bible

¹ Abraham ii suan, David ii tu le ta ahi, Jesus Christ ii taanghpupite ii min tepteena lai sia hi bang hi a, Abraham pan David kumpipa dong, a taanghpupite ii minte a nuai a bang ahi hi.

Matthew 1:1 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Pianciilna 2:4

Tuaciang vaannuai bitphuana sia tuabang teng ahi hi. Topa Pathian in vaannuai bup a vawt lai in,

Pianciilna 22:18

Nangma suan le paalte tungah thupha ka piak bangin minam theampo in thupha ka piak tu hong ngen tu uh hi — tu teng sia nangma in ka thupiak na nit hang ahi hi,” ci hi.

Pianciilna 5:1

A nuai a teng sia Adam suan le paalte ahi hi. (Pathian in mihing a bitphua lai in, ama taw a kibangin vawt hi.

Psalm Late 132:11

David tungah ciliap huai takin kamciamna khat na pia hi; tua kamciam sia na dawk kik tu in na piak ahi bua hi; “Na tapate sung panin khat kumpi ka suaksak tu a, ama in nang zawkciang ngam a uk tu hi.

Psalm Late 89:3

Nangma in, “Ka teal mihing pa taw thuciamna khat ka vawt zo hi; ka naseampa David tungah kamciam ka pia zo a,

Psalm Late 89:36

Ama in suan le paal nei tawntung tu a, ni a taan lai theampo in keima in a kumpi ngam ka etsak tu hi.

Isaiah 11:1

David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

Isaiah 53:8

Ama sia kimanin thina thuak tu in thu kikhen a, kipaipui hi, ama tung a piang tu thu sia kuama in awlmawk ngawl hi. Ih mite ii mawna khialnate hu in ama sia thina thuak hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 33:26

Hi nate ka vawt takpi bangma in, Jacob ii suan le paalte le ka naseam David taw ka vawt thuciamna sia ka len nginge tu hi. Abraham, Isaac le Jacob ii suan le paalte a uk tu in David ii suan le paalte khat ka teal tu hi. Ka mite ka hesuak tu a, ka nuamsasak kik tu hi,” hong ci hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Zechariah 12:8

Tua hun ciang Topa in Jerusalem a teangte dal tu a, amate sungah a thazawm belte ngawngawn David bangin hat tu uh hi. David suan le paalte in Topa ii vantunglalang bang ahizong Pathian mama bang ahizong amate lampui tu uh hi.

Matthew 1:18

Jesus Christ suana sia hi bang ahi hi. A nu Mary sia Joseph taw teang tu in a kidongh sa ahi hi. Ahihang a kiteen uh ma in, ama Thaa Thiangtho taw naungil om hi.

Matthew 1:2

Abraham ta Isaac, Isaac ta Jacob, Jacob ta Judah le a suapuite ahi hi.

Matthew 15:22

Tua ngam ah a teang Canaan numei khat ama kungah hong pai hi. “David Tapa awng!” ci in au a, “Topa hong hesuak ta'n! Ka tanu doai vei in ngim mama hi,” ci hi.

Matthew 3:16

Jesus tui a kiphum zawk po ciang tui sung pan hong pusuak to hi. Tuaciang ama atu van kihong a, Pathian ii Thaa ngam vakhu bangin hong tuaksuk in, ama tungah hong tusuk a mu hi.

Matthew 9:27

Jesus in tua mun nusia in a pai ciang, mittaw niite in ama zui tu in kipan uh hi. “David Tapa awng, ko hong hesuak ta'n,” ci in au uh hi.

Luke 1:33

Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.

Sawltakte 2:30

Ama sia kamsaang khat hi a, David ii suan sung pan khat sia, David bangma in kumpi khat a suasak natu, Pathian ii kamciam a piaksa ahi hunlam ama in he hi.

Romete 1:3

Tua in ih Topa Jesus Christ, ama Tapa huvau ahi hi: cii le sa panin ama David suan hi a;

Romete 4:13

Pathian in Abraham le a suan a paalte munah hi leitung sia amate atu hi ci in kamciam pia hi, hi kamciam in Abraham ii thukham a nit hu hi ngawl a, a up hangin thutang hi ci a, Pathian in a teptee hu ahi hi.

Romete 9:5

Amate in khanglui Hebrew minthangte ii suan le paal te hi uh a, Christ ii mihing a hina taw amate ii minampui ahi hi. Na theampo a uk Pathian sia a tawntungin kipok tahen! Amen.

Galatia te 3:16

Tu in, Pathian in Abraham le ama ii suan pa tungah kamciamte pia hi. Laithiangtho in mihing a tam cina a lak “a suan a paalte” ci kammal zangh ngawlin, mihing khat bek a cinopna “a suan” ci kammal sia Christ a cinopna hi.

1 Timothy 2:5

Banghang ziam cile Pathian khat bek om a, Pathian le mihing hong kilemsak kik, mihing ahi Jesus Christ khat bek om hi.

2 Timothy 2:8

Lungdamna Thupha sungah a kihil, keima thuhilna ahi, thina pan a kitho kiksak David suan ahi Jesus Christ sia na phawk ta'n.

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.