Mark 9:9 - Syin Chin Bible

⁹ Mualtung pan hong tuaksuk ciangin Jesus in, “Mihing Tapa sia thina pan a thaw kik mateng in na mu uh teng kuama munah son heak vun,” ci hi.

Mark 9:9 Iomraidhean Croise

Matthew 12:19

Ama in thu nial ngawl tu a, a au buatu hi. Lampi lian tungah au vazakin thu a son buatu hi.

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Matthew 8:4

Tua zawkciang Jesus in, “Ngai in, kuama munah son heak in a, thiampipa kungah pai vingveng in, na pumpi vealsak ta'n; na damna thu ngual theampo hong heak natu in, Moses thupiak bangin sangaw biakpiakna vawt ta'n,” ci hi.

Mark 5:43

Ahihang Jesus in kuama munah a son ngawl natu in, nasia takin khaam hi, tuaciangin, “Bang khat pawpo a neak tu pia vun,” Jesus in ci hi.

Mark 7:36

Tuaciangin mipite munah hi thu kuama tungah a son ngawl natu in, ama in khaam vaial kale mipite in son vaial uh hi.

Mark 9:10

Amate in a thupiak bangin om uh hi, ahihang amate sung teng kikum uh hi. “Thina pan tho kik ci sia bang a cinopna ziam?” ci uh hi.

Mark 9:8

Amate in manlang takin a kiimkot a et uh le kuama dang a mu bua uh a, Jesus bek amate taw om a mu uh hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

Luke 9:36

Awnging sia a tawp ciangin, Jesus ama nguak om hi. Nungzuite in pau ngawlin, a mu nate tua hun laitak kuama munah a son bua uh hi.